Sudeep: అల్లర్లు మొదలుపెట్టాలన్న ఉద్దేశం లేదు: సుదీప్‌

దిల్లీ: హిందీపై తన వ్యాఖ్యలతో చర్చ గానీ, అల్లర్లు గానీ మొదలుపెట్టాలన్న ఉద్దేశం తనకు లేదని కన్నడ హీరో కిచ్చా సుదీప్‌ స్పష్టీకరించారు. బాలీవుడ్‌ నటుడు అజయ్‌ దేవ్‌గణ్‌తో మొదలైన వివాదంతో.. హిందీ జాతీయ భాష కాదని వ్యాఖ్యానించి సుదీప్‌ పెద్ద చర్చకు దారితీసిన విషయం తెలిసిందే. భారతీయ భాషలన్నీ పూజ్యనీయమేనని ప్రధాని మోదీ చెప్పడంతో సుదీప్‌ ఆనందంలో మునిగిపోయారు. దీనిపై జాతీయ వార్తా సంస్థలతో మాట్లాడుతూ.. ‘‘నేను కేవలం కన్నడం గురించే మాట్లాడలేదు. ప్రతి ఒక్కరి మాతృభాషను గౌరవించాలని చెప్పాను. మోదీని ఒక నాయకుడిగా చూస్తాం’’ అని అన్నారు.