Updated : 29/05/2021 11:58 IST

టీకా తీసుకోండి.. ₹840 కోట్లు గెలుచుకోండి! 

వ్యాక్సినేషన్‌ను ప్రోత్సహించేందుకు ప్రైజ్‌ మనీ ప్రకటించిన కాలిఫోర్నియా రాష్ట్రం


లాస్‌ ఏంజెలెస్‌: దయచేసి కొవిడ్‌ వ్యాక్సిన్‌ వేయించుకోండి... 116 మిలియన్‌ డాలర్ల (సుమారు రూ.840 కోట్ల) నగదును సొంతం చేసుకోండి... అంటూ తమ రాష్ట్ర ప్రజలకు అమెరికాలోని కాలిఫోర్నియా సర్కారు లక్కీ డ్రా ప్రకటించింది! వచ్చేనెల 15న ఆంక్షలు ఎత్తివేసి, సాధారణ జీవనానికి మార్గం సుగమం చేయనున్న క్రమంలో- వ్యాక్సినేషన్‌ను ముమ్మరం చేసేందుకు ఈ వినూత్న వ్యూహాన్ని అమలు చేస్తోంది. 12 ఏళ్లు దాటినవారంతా టీకా తీసుకోవాలని నెలల తరబడి ప్రచారం చేసినా, ఇప్పటివరకూ 3.4 కోట్ల మంది జనాభాలో 63% మందే వ్యాక్సిన్‌ వేయించుకున్నారు. మిగిలినవారికి వీలైనంత త్వరగా తొలి డోసు అందించేందుకు ‘ప్రైజ్‌ మనీ’ ఆఫర్‌ను గవర్నర్‌ గవిన్‌ న్యూసమ్‌ ప్రకటించారు. కనీసం తొలిడోసు తీసుకుంటే దీనికి అర్హత సాధించవచ్చు.

జూన్‌ 4తో లక్కీ డ్రా ప్రారంభమవుతుంది. జూన్‌ 4తో లక్కీ డ్రా ప్రారంభమవుతుంది. మొత్తం 10 మందికి 1.5 మిలియన్‌ డాలర్లు (సుమారు రూ.10.86 కోట్లు), 30 మందికి 50,000 డాలర్లు (రూ.36.21 లక్షలు) నగదు బహుమతులతో పాటు... 20 లక్షల మందికి 50 డాలర్ల (రూ.3,600) విలువైన గిఫ్ట్‌ కూపన్లు ఇస్తారు! ఇప్పటికే ఒహాయో, కొలరాడో, ఒరెగాన్‌ రాష్ట్రాలు ఇలాంటి ఆఫర్‌ను ప్రకటించాయి. ముఖ్యంగా యువతను ఆకట్టుకునేందుకు భారీ ఉపకారవేతనాలు, ఫీజుల చెల్లింపులు ప్రకటించాయి.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని