Published : 08 Sep 2021 22:52 IST

MSP: చెరకు రైతులకు తీపి కబురు.. గోధుమలపైనా మద్దతు ధర పెంపు

దిల్లీ: చెరకు రైతులకు కేంద్ర ప్రభుత్వం తీపి కబురు అందించింది. చెరకు పంట ఎఫ్‌ఆర్‌పీ ధరను పెంచింది. దీంతో పాటు గోధుమలు, ఆవాలు సహ ఆరు రకాల రబీ పంటలకు కూడా మద్దతు ధరను పెంచుతూ కేంద్ర మంత్రివర్గం బుధవారం నిర్ణయం తీసుకుంది. 

చెరకు పంటపై ఎఫ్‌ఆర్‌పీ ధరను రూ.5 పెంచింది. వచ్చే ఏడాది మార్కెట్‌ సీజన్‌లో దీంతో క్వింటాల్‌ చెరకును క్వింటాల్‌కు రూ.290 చొప్పున కొనుగోలు చేయాలని నిర్ణయించింది. దీని వల్ల దాదాపు 5కోట్ల చెరకు రైతులకు ప్రయోజనం కలుగుతుందని కేంద్రమంత్రి పీయూష్‌ గోయల్‌ తెలిపారు. 

ఇక 2022-23 మార్కెట్‌ సీజన్‌కు గానూ ఆరను రబీ పంటల మద్దతు ధర పెంపునకు కేంద్ర కేబినెట్‌ ఆమోదం తెలిపింది. గోధుమలపై ఎంఎస్‌పీ ధర రూ.40 పెంచింది. ప్రస్తుత మార్కెట్‌ సీజన్‌లో క్వింటాల్‌ గోధుమలు రూ.1975 పలుకుతుండగా.. దాన్ని రూ.2015కు పెంచింది. ఇక బార్లీపై రూ.35 పెంచి క్వింటాల్‌ ధరను రూ.1635గా నిర్ణయించింది. ఆవాలు, మసూర్‌ దాల్‌పై అత్యధికంగా రూ.400 పెంచారు. దీంతో క్వింటాల్‌ ఆవాలు కనీస మద్దతు ధర రూ.5050, క్వింటాల్‌ మసూర్‌ ధర రూ.5500కు చేరింది. శనిగల మద్దతు ధరను రూ. 130 పెంచి క్వింటాల్ ధర రూ.5230, పొద్దుతిరుగుడు ధరను రూ.114 పెంచి క్వింటాల్‌ ధరను రూ.5441గా నిర్ణయించినట్లు కేంద్ర కేబినెట్‌ నేడు వెల్లడించింది. 

Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని