Gun Fire: అమెరికాలో మరోసారి కాల్పుల మోత

అమెరికా: అగ్రరాజ్యం అమెరికాలో మరోసారి కాల్పుల కలకలం చోటుచేసుకుంది. మిచిగాన్‌ రాష్ట్రంలోని డెట్రాయిట్‌ నగరానికి  సమీపంలో ఉన్న ఓ పాఠశాలలో దుండగుడు కాల్పులకు దిగాడు. ఈ ఘటనలో ముగ్గురు విద్యార్థులు చనిపోయారు. మరో ఆరుగురు గాయాలపాలైనట్లు చెబుతున్నారు. వీరిలో ఒక టీచరు ఉన్నట్లు అక్కడి మీడియా వర్గాలు తెలిపాయి. సమాచారం అందుకున్న పోలీసుల బలగాలు వెంటనే ఆ పాఠశాలను చుట్టుముట్టాయి. అనంతరం 15 ఏళ్ల అనుమానిత వ్యక్తిని అదుపులోకి తీసుకున్నారు. అతడి నుంచి హ్యాండ్‌గన్‌ను స్వాధీనం చేసుకున్నట్లు పోలీసులు తెలిపారు. నిందితుడు 15-20 రౌండ్లు కాల్చినట్లు పోలీసులు చెప్పారు.