Updated : 15/06/2021 22:22 IST

Defence: సవాళ్లను ఎదుర్కొనేందుకు సిద్ధం!

దిల్లీ: వాస్తవాధీన రేఖ వెంట ఎలాంటి ఉద్రిక్తతలు చెలరేగినా వాటిని ఎదుర్కొనేందుకు సైన్యం సంసిద్ధంగా ఉందని రక్షణ శాఖ స్పష్టం చేసింది. లద్దాఖ్‌లోని గల్వాన్ లోయలో గతేడాది జూన్ 15 రాత్రి చైనా దాడిలో 20 మంది భారత సైనికులు వీరమరణం పొందారు. ఈ నేపథ్యంలో స్పందించిన రక్షణ శాఖ.. సరిహద్దు వెంబడి భారత్-చైనాల బలగాల మధ్య నెలకొన్న అపనమ్మకం కారణంగా మరింత అప్రమత్తంగా ఉన్నట్లు తెలిపింది. చైనా పట్ల అనుసరించాల్సిన వైఖరిని గల్వాన్  ఘటన స్పష్టం చేసిందన్న రక్షణశాఖ.. డ్రాగన్‌తో నెలకొన్న భద్రతా ముప్పును గుర్తించి స్వల్పకాలిక, దీర్ఘకాలిక లక్ష్యాలను ఏర్పాటు చేసుకున్నట్లు పేర్కొంది.

ఉత్తర సరిహద్దు ప్రాంతంలో సైన్యాన్ని మరింత అప్రమత్తం చేయటంతో పాటు, జాతీయ భద్రతా విధానానికి ప్రాధాన్యత ఇచ్చేందుకు గల్వాన్‌ ఘటన ఊతమిచ్చినట్లు పేర్కొంది. మిలటరీ, వాయుసేన మరింత సమన్వయంతో పనిచేసేందుకు గల్వాన్ ఉదంతం దోహదపడిందని తెలిపింది. అయితే సరిహద్దుల్లో బలగాల ఉపసంహరణకు భారత్-చైనా మధ్య కొన్ని నెలలుగా చర్చలు జరుగుతున్నా పరిస్థితులు మాత్రం యథాతథంగానే కొనసాగుతున్నాయి.

గల్వాన్ ఘటనకు నేటితో ఏడాది పూర్తయిన వేళ అమరవీరులకు భారత సైన్యం నివాళి అర్పించింది. ఈ ఘర్షణలో కర్నల్ సంతోష్ బాబు సహా 20 మంది సైనికులు అమరులయ్యారు. ఘటన జరిగి ఏడాది పూర్తికాగా లేహ్‌లో ఉన్న యుద్ధ స్మారకం వద్ద గల్వాన్ వీరులకు మేజర్ జనరల్ ఆకాశ్ కౌశిక్, భద్రతా దళాలు నివాళులు అర్పించారు.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని