Published : 18/06/2021 21:18 IST

Gaza: గాజాపై మరోసారి వైమానిక దాడులు

కాల్పుల విరమణ జరిగి నెల తిరక్కుండానే మొదలైన బాంబుల మోత

గాజా: గత నెలలో 11 రోజులపాటు జరిగిన యుద్ధం ఆగిన తర్వాత ఇజ్రాయెల్ రెండోసారి గాజా ప్రాంతంపై వైమానిక దాడులు చేసింది. గాజాలోని హమాస్ మిలిటెంట్లు ఇజ్రాయెల్‌పైకి వరుసగా మూడోరోజూ అగ్నితో కూడిన బెలూన్లను ప్రయోగించారు. దీనికి ప్రతిగా గురువారం రాత్రి ఇజ్రాయెల్ సైన్యం గాజా ప్రాంతంపై వైమానిక దాడులు చేసింది. బెలూన్ల దాడికి ప్రతీకారంగా తమ ఫైటర్ జెట్‌ విమానాలు హమాస్ మిలిటెంట్ల స్థావరాలు, ఓ రాకెట్ లాంచ్ సైట్‌పై దాడి చేసినట్లు ఇజ్రాయెల్ సైన్యం వెల్లడించింది. అయితే ఈ వైమానిక దాడుల్లో జరిగిన నష్టంపై ఇంకా ఎలాంటి వివరాలు వెల్లడి కాలేదు. కాల్పుల విరమణ ఒప్పందం జరిగి నెల రోజులు కూడా పూర్తికాకుండానే గాజాలో మళ్లీ బాంబుల మోత మొదలయింది. బుధవారం తెల్లవారుజామున ఇజ్రాయెల్‌ వాయుసేనకు చెందిన విమానాలు గాజాలోని ఖాన్‌ యూనిస్‌ ప్రదేశంపై దాడులు చేశాయి. ప్రమాదకర పదార్థాలతో నింపిన బెలున్లను గాజా నుంచి వదులుతున్నారని ఇజ్రాయెల్‌ డిఫెన్స్‌ ఫోర్స్‌ పేర్కొంది. ఈ బెలూన్ల కారణంగా దేశంలోని పలుచోట్ల నిప్పు అంటుకొందని వెల్లడించింది. ఈ విషయాన్ని ఇజ్రాయెల్‌ ఫైర్‌ సర్వీస్‌ కూడా ధ్రువీకరించింది. 20 అగ్ని ప్రమాద ఘటనలు చోటు చేసుకొన్నట్లు పేర్కొంది.
 


Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని