Published : 24/11/2021 21:21 IST

Joe Biden: ‘ప్రజాస్వామ్యం’పై సదస్సు.. 110 దేశాలకు బైడెన్‌ ఆహ్వానం!

వాషింగ్టన్‌: అగ్రరాజ్యం అమెరికా వచ్చే నెలలో ‘ప్రజాస్వామ్యం’అనే అంశంపై వర్చువల్‌గా శిఖరాగ్ర సదస్సు నిర్వహించాలని నిర్ణయించింది. ఈ నేపథ్యంలో సదస్సులో పాల్గొనాలని అమెరికా అధ్యక్షుడు జో బైడెన్‌ ప్రపంచంలోని 110 దేశాలకు ఆహ్వానం పంపారు. ప్రపంచవ్యాప్తంగా ప్రజాస్వామ్య వెనుకబాటుతనం, మానవ హక్కుల క్షీణతను ఆపడమే లక్ష్యంగా ఈ సదస్సును నిర్వహించబోతున్నారు. డిసెంబర్‌ 9-10 తేదీల్లో జరగనున్న ఈ సదస్సులో పాల్గొనాలంటూ భారత్‌కు కూడా ఆహ్వానం అందింది. ప్రస్తుతం అమెరికాకు వైరిదేశంగా ఉన్న చైనాను పక్కనపెట్టి.. తైవాన్‌కు బైడెన్‌ ఆహ్వానం పంపడం ఆసక్తికరంగా మారింది.

బైడెన్‌ ఆహ్వానించిన దేశాల జాబితాలో ఆసియా ఖండం నుంచి భారత్‌తోపాటు పాకిస్థాన్‌, జపాన్‌, దక్షిణ కొరియా ఉన్నాయి. రష్యా, అఫ్గానిస్థాన్‌, శ్రీలంక, బంగ్లాదేశ్‌, వియాత్నం, థాయ్‌లాండ్‌ను సదస్సులో భాగం చేయకపోవడం గమనార్హం. మధ్యప్రాచ్య దేశాల్లో అమెరికా సంప్రదాయ అరబ్‌ కూటమిలో భాగమైన ఈజిప్ట్‌, సౌదీ అరేబియా, జోర్డాన్‌, ఖతర్‌, యూఏఈని వదిలేసి కేవలం ఇజ్రాయెల్‌, ఇరాక్‌ దేశాలకు మాత్రమే ఈ సదస్సుకు ఆహ్వానించింది అమెరికా. యూరప్‌లో పోలాండ్‌కి, ఆఫ్రికాలో డెమోక్రాటిక్‌ రిపబ్లిక్‌ ఆఫ్‌ కాంగో, దక్షిణాఫ్రికా, నైజిరియా, నైగర్‌ తదితర దేశాలను ఆహ్వానితుల జాబితాలో చేర్చారు.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని