Published : 14/10/2021 22:57 IST

‘ఆయన్ను కలిశాక.. సుదామను కలవడానికి శ్రీకృష్ణుడు వచ్చినట్టుగా ఉంది’

రాజ్‌నాథ్‌ వచ్చి తనను కలవడంపై 106ఏళ్ల వృద్ధుడి హర్షం

దిల్లీ: కేంద్ర రక్షణ శాఖ మంత్రి రాజ్‌నాథ్‌ సింగ్‌ 106ఏళ్ల వయసున్న భాజపా కార్యకర్త భులాయ్‌ భాయ్‌ను దిల్లీలోని ఉత్తర్‌ప్రదేశ్‌ భవన్‌లో గురువారం కలిశారు. జన్‌సంఘ్‌.. భారతీయ జనతా పార్టీగా అవతరించిన సమయంలో భులాయ్‌ భాయ్‌ కీలక వ్యక్తిగా ఉన్నారు. ఆయన్ను కలిసిన రాజ్‌నాథ్‌ సింగ్‌ ఆత్మీయ ఆలింగనం చేసుకోవడంతో భులాయ్‌ భాయ్‌ సంతోషం వ్యక్తంచేశారు. ‘‘రాజ్‌నాథ్‌ సింగ్‌ను కలిశాక నేనింకా యువకుడిలా మారిపోయినట్లు అనిపిస్తోంది. సుదామను కలవడానికి శ్రీకృష్ణుడు వచ్చినట్లుగా ఉంది. నేను ఆయన ప్రేమ, ఆశీర్వాదాలను అందుకున్నాను. మేమిద్దరం గత రోజులను గుర్తు చేసుకున్నాం. ఆయన్ను మా ఇంటికి ఆహ్వానించాను’’ అని భులాయి భాయ్ పేర్కొన్నారు. మరోవైపు భులాయ్‌ భాయ్‌తో జరిగిన సమావేశాన్ని రాజ్‌నాథ్‌ సింగ్‌ కూడా వివరించారు. ‘‘నేను భులాయ్ భాయ్‌ని కలవడానికి వచ్చాను. దేశంలో జన్‌సంఘ్ ఉన్న సమయంలో ఆయనే భాజపా కార్యకర్తలందరి కంటే పెద్దవాడు. 1977లో నేను ఎమ్మెల్యేగా ఉన్నప్పుడు ఆయన కూడా ఎమ్మెల్యేగా పనిచేశారు’’ అని ఆయన తెలిపారు.

70ఏళ్ల క్రితం దసరా రోజునే భులాయ్‌ భాయ్‌ జన్‌సంఘ్‌లో చేరారు. సరిగ్గా అదేరోజున అనుకోకుండా రాజ్‌నాథ్‌ సింగ్‌ను కలిశారు. అప్పటి భాజపా కార్యకర్తలు దీన్‌దయాళ్‌ ఉపాధ్యాయ, శ్యామప్రసాద్‌ ముఖర్జీతో కలిసి ఆయన పనిచేశారు. జన్‌సంఘ్‌ నుంచి రెండు పర్యాయాలు ఎమ్మెల్యేగా గెలుపొందారు. దేశంలో కరోనా వ్యాప్తి సమయంలో ప్రధాని నరేంద్ర మోదీ కూడా ఆయన ఆరోగ్యం గురించి అడిగి తెలుసుకోవడం గమనార్హం.


Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని