Karnataka నుంచి బైడెన్, కమలకు మాస్కులు

దావణగెరె: అమెరికా అధ్యక్షుడు జో బైడెన్, ఉపాధ్యక్షురాలు కమలా హారిస్‌కు కర్ణాటకలోని దావణగెరెకు చెందిన వివేకానంద అనే వ్యక్తి మాస్కులు పంపించారు. తనే స్వయంగా మాస్కులకు తయారు చేశారు. మూడు పొరలున్న ఈ మాస్కులు అమెరికా చేరుకున్నాయి. గతేడాది నుంచి వివేకానంద మాస్కులు తయారు చేయడం మొదలు పెట్టారు. భార్య శాంతా, కూతురు కావ్య ఆయనకు సాయం చేస్తున్నారు. వివేకానంద తయారు చేసిన కాషాయం, తెలుపు, ఆకుపచ్చ రంగులతో కూడిన మాస్కులు ప్రజల్ని విపరీతంగా ఆకర్షించాయి. ప్రధానమంత్రి నరేంద్రమోదీ, రాష్ట్రపతి రామ్‌నాథ్‌ కోవింద్, ఉపరాష్ట్రపతి వెంకయ్యనాయుడు, యూపీ సీఎం యోగి ఆదిత్యనాథ్‌కు కూడా వివేకానంద మాస్కులు పంపించారు. వారి నుంచి అభినందనలూ అందుకున్నారు.