Published : 01/10/2020 23:01 IST

ఏటా మద్దతు ధర పెరుగుతుంది: రాజ్‌నాథ్‌

దిల్లీ: మోదీ ప్రభుత్వం ఎప్పటికీ రైతుల ప్రయోజనాలకు వ్యతిరేకంగా వ్యవహరించదని కేంద్ర రక్షణ శాఖ మంత్రి రాజ్‌నాథ్‌ సింగ్‌ తెలిపారు. రాబోయే రోజుల్లో ప్రతి సంవత్సరం కనీస మద్దతు ధరలో పెరుగుదల ఉంటుందని రైతులకు హామీ ఇచ్చారు. ఈ మేరకు ఆయన గురువారం విలేకరులతో మాట్లాడారు. ‘ఇటీవల వ్యవసాయ బిల్లుల వ్యతిరేక నిరసనలో భాగంగా కాంగ్రెస్‌ యువజన కార్యకర్తలు ట్రాక్టర్‌ను తగలబెట్టడం ఎంతో విచారకరం. సైనికులకు ఆయుధం ఎంత పవిత్రమైనదో.. అదే విధంగా రైతులకు ట్రాక్టర్‌ పవిత్రమైనది. కాబట్టి ట్రాక్టర్‌ను తగలబెట్టడం వారిని అవమానించడమే అవుతుంది. ఒక రైతు బిడ్డగా నేను హామీ ఇస్తున్నా. రైతుల ప్రయోజనాలకు వ్యతిరేకంగా మోదీ ప్రభుత్వం ఎలాంటి చర్యలు తీసుకోదు. రైతులు, రైతు సంఘాల్ని మేం కోరేది ఒకటే. మీకు ఏదైనా అనుమానం ఉంటే మాతో వచ్చి మాట్లాడండి. కొన్ని తప్పుడు ప్రచారాలపై నేను ఇప్పటికే పలు రైతుల సంఘాలతో చర్చించా. కనీస మద్దతు ధర కూడా ఎప్పటికీ ఒకేలా ఉండదు. రాబోయే రోజుల్లో ప్రతి సంవత్సరం పెరుగుదల ఉంటుంది’ అని రాజ్‌నాథ్‌ రైతులకు హామీ ఇచ్చారు. 

వ్యవసాయ బిల్లుల ఆమోదాన్ని వ్యతిరేకిస్తూ ఇటీవల కాంగ్రెస్‌ యువజన కార్యకర్తలు దిల్లీలోని ఇండియా గేట్‌ వద్ద ట్రాక్టర్‌ను తగలబెట్టిన విషయం తెలిసిందే. పంజాబ్‌, హరియాణా సహా దేశవ్యాప్తంగా పలు ప్రాంతాల్లో ఈ బిల్లులకు వ్యతిరేకంగా నిరసనలు కొనసాగుతున్నాయి. 

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని