Updated : 09/12/2020 04:28 IST

కొత్త పార్లమెంటు భవనానికి 10న శంకుస్థాపన

దిల్లీ: భారత నూతన పార్లమెంటు భవన నిర్మాణ పనులకు ప్రధాని నరేంద్రమోదీ గురువారం శంకుస్థాపన చేయనున్నారు. ఈ కార్యక్రమానికి లోకసభ స్పీకర్‌ ఓంబిర్లా, కేంద్ర మంత్రులు, వివిధ పార్టీల నేతలు, పలు దేశాల రాయబారులు సహా సుమారు 200 మంది అతిథులు హాజరు కానున్నారు. ఈమేరకు ప్రధాని కార్యాలయం ఓ ప్రకటనలో వెల్లడించింది. ‘2022లో 75వ స్వాతంత్ర్య దినోత్సవం జరుపుకోబోతున్న నేపథ్యంలో.. స్వతంత్ర భారతీయుల ఆశలు, ఆకాంక్షలకు అనుగుణంగా నూతన పార్లమెంట్ భవన నిర్మాణం జరగబోతోంది. త్రిభుజాకారంలో.. అత్యాధునిక ఇంధన సామర్ధ్యంతో.. అత్యంత కట్టుదిట్టమైన భద్రతా సౌకర్యాలు నూతన పార్లమెంటులో ఉంటాయి. లోక్‌సభ ప్రస్తుత పరిమాణానికి 3 రెట్లు, రాజ్యసభ గణనీయమైన స్థాయిలో విశాలంగా నిర్మాణం జరగబోతోంది. కొత్త భవనం లోపలి భాగంలో.. భారతీయ సంస్కృతి, ప్రాంతీయ కళలు, హస్తకళలు, వస్త్రాలు, వాస్తుశిల్పాల విభిన్న సమ్మేళనం ఏర్పాటు చేస్తారు. హరిత సాంకేతిక పరిజ్ఞానాన్ని ఉపయోగించుకుంటూ.. పర్యావరణ అనుకూల పద్ధతులను నిర్మాణంలో వినియోగించనున్నారు’ అని ప్రధాని కార్యాలయం ప్రకటనలో పేర్కొంది. 

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని