Published : 23/04/2021 23:36 IST

పేలుడు పదార్థాల కేసు: మరో అధికారి అరెస్టు

ముంబయి: రిలయన్స్‌ అధినేత ముకేశ్‌ అంబానీ నివాసమైన ఆంటిలా సమీపంలో పేలుడు పదార్థాలతో కూడిన వాహనం కేసులో జాతీయ దర్యాప్తు సంస్థ (ఎన్‌ఐఏ) అధికారులు మరో పోలీసు అధికారిని అరెస్టు చేశారు. ముంబయి నేర విభాగం ఇన్‌స్పెక్టర్‌ సునీల్‌ మానేను అరెస్టు చేసినట్లు ఓ ప్రకటన విడుదల చేశారు. ఈ కేసులో ఇప్పటివరకూ ముగ్గురు పోలీసు అధికారులు అరెస్టయ్యారు. మార్చి 13న సచిన్‌ వాజేను, ఆ తర్వాత ఈనెల 12న మరో పోలీసు అధికారి రిజాజుద్దీన్‌ ఖాజీని ఎన్‌ఐఏ అదుపులోకి తీసుకుంది. ఈ కేసులో ఇద్దరు పోలీసు అధికారులు సచిన్‌ వాజేకు సహకరించినట్లు దర్యాప్తు అధికారులు అనుమానిస్తున్నారు.

గత మార్చి నెలలో భారత వ్యాపార దిగ్గజం ముకేశ్‌ అంబానీ ఇంటి సమీపంలో ఓ కారులో పేలుడు పదార్థాలు లభించడం సంచలనంగా మారింది. అప్పటి నుంచి ఈ కేసు అనేక మలుపులు తిరుగుతోంది. పోలీసులు వాహనాన్ని గుర్తించిన కొద్ది రోజులకే ఆ వాహన యజమాని మన్‌సుఖ్‌ హిరెన్‌ ఓ వాగులో శవమై దొరకడం కలకలం రేపింది. కొద్దిరోజుల అనంతరం పేలుడు పదార్థాల కేసు దర్యాప్తును జాతీయ దర్యాప్తు సంస్థ (ఎన్ఐఏ) చేపట్టి సంచలన విషయాలను వెలుగులోకి తెచ్చింది. అప్పటివరకు ఆ కేసు దర్యాప్తు చేసిన పోలీసు అధికారి సచిన్‌ వాజేనే ఆ వాహనాన్ని ముకేశ్‌ అంబానీ ఇంటివద్ద నిలిపినట్లు ధ్రువీకరించారు. అతడిని అరెస్టు చేసి విచారిస్తున్నారు. వాజేకు సహకరించిన ఇద్దరు పోలీసును గతంలో అరెస్టు చేయగా తాజాగా మరో పోలీసు అధికారిని అదుపులోకి తీసుకున్నారు.


Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని