Sabarimala: శబరిమలకు వచ్చే చిన్నారులకు ఆర్టీ-పీసీఆర్‌ తప్పనిసరి కాదు

తిరువనంతపురం: అయ్యప్పస్వామి దర్శనార్థం శబరిమలకు వచ్చే చిన్నారులకు ఆర్టీ-పీసీఆర్ పరీక్ష తప్పనిసరి కాదని కేరళ ప్రభుత్వం స్పష్టంచేసింది. చిన్నారుల దగ్గర శానిటైజర్లు, సబ్బులు ఉండేలా వారి వెంట వచ్చే పెద్దలు చూసుకోవాలని సూచించింది. భౌతిక దూరం పాటించాలని తాజాగా వెలువరించిన ఉత్తర్వుల్లో పేర్కొంది. నవంబర్‌ 16న ప్రారంభమైన శబరిమల యాత్రలో పాల్గొనే భక్తులు, సిబ్బంది రెండు టీకా డోసులు వేసుకోవడాన్ని ప్రభుత్వం తప్పనిసరి చేసిన సంగతి తెలిసిందే. లేదంటే ఆర్టీ-పీసీఆర్‌ నెగటివ్‌ సర్టిఫికెట్‌ చూపాల్సి ఉంటుంది. మరోవైపు వర్షాలు, కరోనా నేపథ్యంలో గతేడాది మాదిరిగానే వర్చువల్​క్యూ పద్ధతిలో భక్తులను అనుమతిస్తున్నారు.