Updated : 17/01/2021 18:46 IST

రైతుల ఉద్యమం: 19న నిపుణుల కమిటీ భేటీ!

2024 వరకైనా మా రైతుల ఉద్యమం కొనసాగిస్తాం
భారతీయ కిసాన్‌ యూనియన్‌

దిల్లీ‌: కొత్త వ్యవసాయ చట్టాలపై నెలకొన్న ప్రతిష్టంభనను తొలగించేందుకు సర్వోన్నత న్యాయస్థానం నియమించిన నిపుణుల కమిటీ తొలి భేటీ ఈ నెల 19న జరుగనున్నట్లు సభ్యుడు అనిల్‌ ఘన్వాత్‌ వెల్లడించారు.  ఈ సమావేశంలో భవిష్యత్ కార్యచరణ సిద్ధం చేస్తామని తెలిపారు. అయితే ఈ భేటీలో అనిల్‌ ఘన్వాత్‌తో పాటు డాక్టర్‌ ప్రమోద్‌ కుమార్‌ జోషీ, అశోక్‌ గులాటీలు మాత్రమే పాల్గొనే అవకాశం ఉంది. సభ్యుల్లో మరొకరైన భూపీందర్‌ సింగ్‌ మాన్‌ కమిటీ నుంచి తప్పుకుంటున్నట్లు ఇదివరకే వెల్లడించిన నేపథ్యంలో అప్పటిలోగా సుప్రీంకోర్టు మరో సభ్యుడిని సూచించకపోతే కేవలం ముగ్గురు సభ్యులం మాత్రమే హాజరవుతామని అనిల్‌ ఘన్వాత్‌ పేర్కొన్నారు. ఇప్పటికే కమిటీ చేయాల్సిన పనిపై మార్గదర్శకాలు అందాయని.. జనవరి 21 నుంచి తమ పని ప్రారంభిస్తామని తెలిపారు. ఇదే సమయంలో ప్రభుత్వంతో చర్చలు కొనసాగడంపై ఎలాంటి అభ్యంతరం లేదని..పరిష్కారం ఎక్కడ దొరికినా ఎలాంటి ఇబ్బంది లేదని అనిల్‌ ఘన్వాత్‌ అభిప్రాయపడ్డారు.

2024 వరకైనా ఉద్యమాన్ని కొనసాగిస్తాం..

కేంద్ర ప్రభుత్వం తీసుకొచ్చిన నూతన వ్యవసాయ చట్టాలను రద్దు చేసే వరకు తమ ఉద్యమం ఆగదని రైతు సంఘాలు స్పష్టంచేస్తున్నాయి. ప్రభుత్వం దిగిరాకుంటే మే 2024(వచ్చే లోక్‌సభ ఎన్నికల) వరకైనా ఉద్యమం చేపట్టేందుకు తాము సిద్ధంగానే ఉన్నామని భారతీయ కిసాన్‌ యూనియన్‌(బీకేయూ) నేత రాకేశ్ తికాయిత్‌ పేర్కొన్నారు. ముఖ్యంగా, కనీస మద్దతు ధరకు చట్టబద్ధత కలిగించే వరకు తమ పోరాటం కొనసాగిస్తామని నాగ్‌పూర్‌లో జరిగిన మీడియా సమావేశంలో ఆయన వెల్లడించారు. ఇది కేవలం ధనిక రైతుల ఉద్యమంగా వస్తోన్న ఆరోపణలపై స్పందించిన ఆయన, మారుమూల గ్రామాల ప్రజలూ తమ ఉద్యమంలో భాగస్వామ్యం అవుతున్నట్లు చెప్పుకొచ్చారు.

ఇవీ చదవండి..
ఆ ముగ్గుర్నీ తొలగించండి..
సాగు చట్టాలపై సుప్రీం స్టే

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్