Published : 06/09/2021 23:48 IST

South Central Railway: సరకు రవాణాలో దూసుకెళ్తున్న దక్షిణ మధ్య రైల్వే

ఇంటర్నెట్‌ డెస్క్‌: సరకు రవాణాలో దక్షిణ మధ్య రైల్వే దూసుకెళ్తోంది. ప్రతికూల పరిస్థితుల్లోనూ ఏటికేడూ కొత్త విధానాలతో మెరుగైన ఫలితాలు రాబడుతోంది. కరోనా వేళ ప్రయాణికుల రవాణా వల్ల తగ్గిన ఆదాయాన్ని సరకు రవాణా రూపంలో చేకూర్చుకుంటోంది. తద్వారా దేశంలోనే అత్యధిక ఆదాయార్జన జోన్‌ పేరును నిలబెట్టుకుంటోంది.

కరోనా తెచ్చిన ప్రతికూల పరిస్థితుల వల్ల రైల్వే రంగంలో రాబడి గణనీయంగా తగ్గింది. ఇదే సమయంలో ప్రత్యామ్నాయ విధాలనపై దృష్టి సారించిన రైల్వే శాఖ సరుకు రవాణాను పెంచింది. నిత్యావసరాల రవాణాకోసం పలు ప్రాంతాల నుంచి అదనంగా గూడ్సు రైళ్లను ఏర్పాటు చేసింది. దక్షిణమధ్య రైల్వే తెలుగు రాష్ట్రాలు సహా దేశంలోని పలు ప్రాంతాలకు సరుకు రవాణా రైళ్లను నడిపింది. రైళ్లకు రెండు ఇంజన్లు ఏర్పాటు చేసి   ఒకేసారి రెట్టింపు సరుకును చేరవేసింది. తక్కువ ఖర్చుతో ఎక్కువ సరుకు రవాణా చేసింది. అధికారులు తీసుకున్న ఈ నిర్ణయం వల్ల దక్షిణ మధ్య రైల్వే అధికంగా ఆదాయాన్ని ఆర్జిస్తోంది. 

గతేడాది ఆగస్టులో జరిగిన సరుకు రవాణా లోడింగ్‌తో పోలిస్తే ఈ ఏడాది ఆగస్టులో 51 శాతం అధికంగా రవాణా చేసినట్లు దక్షిణ మధ్య రైల్వే తెలిపింది. ఈ ఏడాది రికార్డు స్థాయిలో సిమెంట్‌ లోడింగ్‌ జరిగింది. బొగ్గు లోడింగ్‌లో 72 శాతం వృద్ధి నమోదయ్యింది. కంటైనర్‌ లోడింగ్‌లో 96 శాతం అభివృద్ధి నమోదు చేసింది. సరుకు రవాణా లోడింగ్‌లో వృద్ధి సాధించడం కోసం రైళ్లు స్థిరంగా గంటకు 50 కి.మీల సగటు వేగంతో నడిచాయి.



Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని