Air India: వంతెన కింద ఇరుక్కున్న పాత విమానం

తుక్కు కింద ఎప్పుడో విక్రయించామన్న ఎయిరిండియా

దిల్లీ: సేవల నుంచి తొలగించి, తుక్కు కింద విక్రయించిన ఎయిరిండియా విమానం ఒకటి జాతీయ రాజధాని ప్రాంతం (ఎన్‌సీఆర్‌)లో వంతెన కింద ఇరుక్కుంది. శనివారం రహదారి మార్గంలో దీనిని తరలిస్తుండగా ఘటన సంభవించినట్లు సమాచారం. ఇందుకు సంబంధించిన వీడియో ఆదివారం సామాజిక అనుసంధాన వేదికల్లో చక్కర్లు కొడుతోంది. ఈ విషయమై ఎయిరిండియా అధికార ప్రతినిధి ఒకరు మాట్లాడుతూ.. వంతెన కింద ఇర్కున్న విమానాన్ని ఎయిరిండియా సేవల నుంచి గతంలోనే తొలగించామని, తక్కు కింద విక్రయించామని తెలిపారు. ‘‘విమానాన్ని కొనుకున్న వారు శనివారం దీనిని తరలిస్తున్నారు. ఎయిరిండియాకు విమానంతో ఎలాంటి సంబంధం లేదు’’ అని స్పష్టం చేశారు.