Published : 19/11/2021 18:43 IST

Farm Laws: సాగు చట్టాలు రద్దయ్యాయి.. మరి రైతులపై ఉన్న కేసుల సంగతేంటి..?

దిల్లీ: సాగు చట్టాలను వెనక్కి తీసుకుంటున్నట్లు ప్రకటించి శుక్రవారం ప్రధాని మోదీ దేశ ప్రజలను ఆశ్చర్యపర్చారు. అయితే ఈ చట్టాలపై దేశవ్యాప్తంగా మరీ ముఖ్యంగా పంజాబ్, హరియాణా, యూపీలోని కొన్ని ప్రాంతాల్లో నిరసన వ్యక్తమైన సంగతి తెలిసిందే. దానిలో భాగంగా జరిగిన ఘటనల్లో పోలీసులు పలువురు నిరసనకారులపై కేసులు నమోదుచేశారు. ఇప్పుడు చట్టాల రద్దుతో ఆ కేసులు సంగతేంటనే ప్రశ్న అందరిలో మొదలైంది. అయితే దిల్లీ పోలీసు విభాగానికి చెందిన ఓ అధికారి మాత్రం ఈ కేసుల్లో దర్యాప్తు కొనసాగుతుందని అన్నారు. 

‘నిరసనకారులపై ఆస్తుల ధ్వంసం, ఆదేశాల ఉల్లంఘనతో సహా కొన్ని క్రిమినల్‌ కేసులు నమోదయ్యాయి. అలాగే ఉపా(అన్‌లాఫుల్ యాక్టివిటీస్ ప్రివెన్షన్ యాక్ట్) కింద కేసులు నమోదయ్యాయి. వాటిపై దర్యాప్తు కొనసాగుతుంది’ అని వెల్లడించారు. ప్రభుత్వం తలుచుకుంటే ఆ కేసుల విషయంలో కోర్టులో అఫిడవిట్ దాఖలు చేసి వెనక్కి తీసుకునే వీలుందన్నారు. 

సాగు చట్టాలపై నిరసన వ్యక్తం చేసిన క్రమంలో దిల్లీలో రైతులపై 39 కేసులు నమోదయ్యాయి. ఈ విషయాన్ని ఫిబ్రవరిలో కేంద్రం పార్లమెంట్‌కు తెలిపింది.  136 కేసులు నమోదైనట్లు హరియాణా ప్రభుత్వం అసెంబ్లీలో వెల్లడించింది. ఆ రాష్ట్రంలోని కొన్ని పోలీసు స్టేషన్లలో సుమారు 10వేల మంది అజ్ఞాత రైతులపై కేసులు పెట్టినట్లు నివేదికలను బట్టి తెలుస్తోంది. సోనేపత్‌లో 26 ఎఫ్ఐఆర్‌లు, అంబాలాలో 15, కురుక్షేత్రలో 14 రిజిస్టర్ అయ్యాయి. ఓ రైతు సంఘం వెల్లడించిన వివరాల ప్రకారం హరియాణాలో దాదాపు 2,500 మందిపై కేసులు నమోదయ్యాయి. సాగు చట్టాలను వ్యతిరేకించిన నిరసనకారులపై ఇన్ని కేసులున్న నేపథ్యంలో ప్రభుత్వం ఏ నిర్ణయం తీసుకుంటుందో చూడాలి..! 

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని