UP: భార్య హంతకుడి తలకు రైతు రివార్డు 

లఖ్‌నవూ: ఉత్తర్‌ప్రదేశ్‌లోని గాజియాబాద్‌కు చెందిన ఓ రైతు.. తన భార్యను చంపిన వ్యక్తి తలపై రివార్డు ప్రకటించాడు. జులై 8న షేర్‌పుర్‌లో పవిత్ర అనే మహిళను.. రోహిత్, అతని అనుచరుడు అభిషేక్‌ కాల్చి చంపారు. ప్రేమ పేరుతో వేధిస్తూ తన మరదలిని ఎత్తుకెళ్లేందుకు ప్రయత్నించగా పవిత్ర వారిని అడ్డుకుంది. దీంతో నిందితులు ఆమెపై కాల్పులు జరిపి అక్కడి నుంచి పరారయ్యారు. కేసు నమోదు చేసి రోజులు గడుస్తున్నా నిందితులను పట్టుకోవడంలో పోలీసులు విఫలమయ్యారు. విసుగెత్తిన ఆమె భర్త.. తానే నిందితులను పట్టుకోవాలని నిర్ణయించుకున్నాడు. తన భార్యను చంపిన వారి ఆచూకీ చెబితే రూ.20వేల రివార్డు ఇస్తానని సామాజిక మాధ్యమాల వేదికగా ప్రకటించాడు.