Published : 29/08/2021 18:36 IST

Ayodhya Rama: రాముడు లేకుండా అయోధ్య లేదు..!

భారత రాష్ట్రపతి రామ్‌నాథ్‌ కోవింద్‌

లఖ్‌నవూ: రాముడు లేకుండా అయోధ్య లేదని.. రాముడు నివసించిన చోటే అయోధ్య ఉందని రాష్ట్రపతి రామ్‌నాథ్‌ కోవింద్‌ పేర్కొన్నారు. ‘రాముడు లేకుండా అయోధ్య అసలు ఆయోధ్యనే కాదు. రాముడు నివసించిన చోటే అయోధ్య ఉంది. ఈ ప్రాంతంలో ఆయన శాశ్వతంగా నివసిస్తాడు. అందుకే ప్రదేశం చిరస్థాయిగా ఆయోధ్యగా ఉండిపోతుంది’ అని రామాయణ్‌ కాంక్లేవ్‌ ప్రారంభోత్సవ సందర్భంలో రాష్ట్రపతి రామ్‌నాథ్‌ కోవింద్‌ పేర్కొన్నారు. ఇక తన సొంత పేరును ప్రస్తావించుకున్న రామ్‌నాథ్‌ కోవింద్‌.. సామాన్య ప్రజల్లో రాముడి పట్ల గౌరవం, ఆప్యాయత వంటివి ఉండడం వల్లే తన కుటుంబ సభ్యులు ఆ పేరును తనకు పెట్టినట్లు తాను భావిస్తున్నానని చెప్పారు. అయోధ్య వివాదంపై 2019లో సుప్రీం కోర్టు ఇచ్చిన చారిత్రాత్మక తీర్పు తర్వాత తొలిసారి రాష్ట్రపతి కోవింద్‌ ఆ ప్రదేశంలో పర్యటించారు.

అయోధ్యతో యుద్ధం చేయడం అసాధ్యమనే అర్థం ఈ నగరానికి వర్తిస్తుంది. రఘు రాజవంశీయులైన రఘు, దిలీపుడు, అజ మహారాజు, దశరథుడితో పాటు రాముడికి ఉన్న ధైర్యం, శక్తి కారణంగా వారి రాజధానిని ఎవరూ జయించలేనిదిగా భావిస్తారు. అందుకే ఈ నగరం పేరు అయోధ్యగా చిరస్థాయిగా నిలిచిపోతుందని రాష్ట్రపతి రామ్‌నాథ్‌ కోవింద్‌ ఉద్ఘాటించారు. ఇక ఆదివాసీల పట్ల రాముడికి ఉన్న ప్రేమను రాష్ట్రపతి కోవింద్‌ గుర్తుచేశారు. అయోధ్యలో రాష్ట్రపతి పర్యటనలో భాగంగా ఆయనతో పాటు ఉత్తర్‌ప్రదేశ్‌ గవర్నర్‌ ఆనందీబెన్‌ పటేల్‌, ముఖ్యమంత్రి యోగీ ఆదిత్యనాథ్‌, ఇతర మంత్రులు పాల్గొన్నారు.


Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని