Published : 19/11/2021 23:25 IST

Booster Dose: బూస్టర్‌ డోసుకు అనుమతించండి.. కేంద్రానికి గహ్లోత్‌ విజ్ఞప్తి

ప్రధాని మోదీకి రాజస్థాన్‌ సీఎం విజ్ఞప్తి

జయపుర: దేశవ్యాప్తంగా కరోనా వ్యాక్సిన్‌ పంపిణీ శరవేగంగా సాగుతోంది. ఇప్పటికే టీకాకు అర్హులైన 80శాతం మందికి ఒకడోసు అందించగా.. 41శాతం మందికి పూర్తి మోతాదుల్లో కొవిడ్‌ టీకా అందినట్లు కేంద్ర ఆరోగ్యశాఖ పేర్కొంది. ఈ నేపథ్యంలోనే బూస్టర్‌ డోసు (మూడో డోసు) పంపిణీ చేపట్టాలనే వాదనలు మొదలయ్యింది. రాజస్థాన్‌లో పలు జిల్లాల్లో కొవిడ్‌ ఉద్ధృతి పెరుగుతున్నందున మూడో డోసు అందించాలని ఆ రాష్ట్ర ముఖ్యమంత్రి అశోక్‌ గహ్లోత్‌ కేంద్ర ప్రభుత్వానికి విజ్ఞప్తి చేశారు. ఇదే విషయమై త్వరలోనే ప్రధానమంత్రికి లేఖ రాస్తానని వెల్లడించారు.

రాజస్థాన్‌లో సీజనల్‌ వ్యాధులు, కొవిడ్‌ తీవ్రతపై ఆ రాష్ట్ర ముఖ్యమంత్రి అశోక్‌ గహ్లోత్‌ తాజాగా సమీక్ష నిర్వహించారు. ఈ సందర్భంగా పలు రాష్ట్రాల్లో కొవిడ్ తీవ్రత పెరగడంపై ఆయన ఆందోళన వ్యక్తం చేశారు. ముఖ్యంగా రెండు డోసులు అందించినప్పటికీ పాజిటివ్‌ కేసులు పెరుగుతున్నాయని అన్నారు. ఈ నేపథ్యంలో మూడో వేవ్ ముప్పు తొలగేందుకు బూస్టర్‌ డోసు అందించడమే ఉత్తమనని అభిప్రాయపడ్డారు. ఇప్పటికే దాదాపు 35 దేశాలు బూస్టర్‌ డోసు అందిస్తున్న విషయాన్ని ఈ సందర్భంగా ఆయన గుర్తుచేశారు. ఈ విషయంపై త్వరలోనే ప్రధానమంత్రికి లేఖ రాస్తానని అశోక్‌ గహ్లోత్‌ పేర్కొన్నారు.

Read latest National - International News and Telugu News

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని