Published : 27/04/2021 09:54 IST

మాస్కు ధరించలేదని థాయ్‌ ప్రధానికి జరిమానా!

దిల్లీ, బ్యాంకాక్‌: అధికారులతో సమావేశం సందర్భంగా మాస్కు ధరించనందుకు గాను... థాయ్‌లాండ్‌ ప్రధానమంత్రి జనరల్‌ ప్రయూత్‌ చాన్‌-వో-చాకు అధికారులు 6 వేల భాట్‌ల (సుమారు రూ.14,270) జరిమానా విధించారు! దేశంలో కరోనా కేసులు పెరుగుతున్న దృష్ట్యా థాయ్‌ సర్కారు కఠిన చర్యలు తీసుకుంటోంది. భారత్‌ నుంచి థాయ్‌ ప్రజలు మినహా మరెవరూ తమదేశం రావద్దని ఆంక్షలు విధించింది. మే 1 నుంచి ఇవి అమల్లోకి రానున్నాయి. ఇక బ్యాంకాక్‌ మెట్రోపాలిటన్‌ అడ్మినిస్ట్రేషన్‌ నిబంధనల ప్రకారం... రాజధానిలో ఇల్లు దాటి బయటకు వచ్చే ప్రతి వ్యక్తి మాస్కు ధరించడం తప్పనిసరి. దీన్ని ఉల్లంఘించే వారికి 20,000 భాట్ల (రూ.47,610) వరకూ జరిమానా విధిస్తారు. వ్యాక్సిన్‌ కొనుగోలు విషయమై ప్రధాని ప్రయూత్‌ సోమవారం సలహాదారులతో సమావేశమయ్యారు. ఆ సమయంలో ఆయన మాస్కు ధరించలేదు. ఈ విషయంపై తానే అధికారులకు ఫిర్యాదు చేసినట్టు బ్యాంకాక్‌ గవర్నర్‌ అశ్విన్‌ క్వాన్‌ముయాంగ్‌ తన ఫేస్‌బుక్‌ ఖాతాలో వెల్లడించారు. కాసేపట్లోనే ఇది సామాజిక మాధ్యమాల్లో చక్కర్లు కొట్టింది. ప్రధాని తీరుపై ప్రజల నుంచి తీవ్రస్థాయిలో విమర్శలు రావడంతో... ప్రయూత్‌కు అధికారులు జరిమానా విధించారు. కాగా, థాయ్‌లాండ్‌ పౌరులు మినహా మిగతా వారికి తమ దేశంలో ప్రవేశించేందుకు ఇచ్చే ప్రవేశ ధ్రువీకరణ పత్రాల (సీవోఈ) మంజూరును మే 1 నుంచి రద్దు చేస్తున్నట్టు దిల్లీలోని ఆ దేశ రాయబార కార్యాలయం ప్రకటించింది. ఇది భారతీయులకూ వర్తిస్తుంది.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని