Published : 22/02/2021 23:45 IST

11 నెలల తర్వాత అక్కడ పట్టాలెక్కిన రైలు..

దిల్లీ: కరోనా మహమ్మారి వల్ల దేశవ్యాప్తంగా పూర్తి స్థాయిలో రైలు సర్వీసులు అందుబాటులో లేవు. ఈ క్రమంలో 11 నెలల అంతరాయం తర్వాత కశ్మీర్‌ వ్యాలీలో సోమవారం నుంచి రైలు సర్వీసులు ప్రారంభమయ్యాయి. ఇక్కడ రైళ్లను తిరిగి నడపడంతో దేశ పర్యాటక రంగానికి ప్రోత్సాహం లభిస్తోందని రైల్వే శాఖ మంత్రి పీయూష్‌ గోయల్‌ చెప్పారు. దీంతో ‘ఫిబ్రవరి 22 నుంచి కశ్మీర్‌ వ్యాలీలోని బనిహాల్‌-బారాముల్లా వరకు రెండు రైళ్లును తిరిగి ప్రారంభించారు’ అని మంత్రి ట్వీట్‌ చేశారు. కరోనా కేసులు తగ్గుముఖం పడుతుండటంతో భారతీయ రైల్వే శాఖ వీలైనన్ని రైళ్లను ప్రయాణికులకు అందుబాటులోకి తీసుకొస్తోంది. కేవలం జనవరిలోనే మొత్తంగా 250 రైళ్లను నడపడానికి అనుమతినిచ్చింది. 
దీంతో 65 శాతం కన్నా ఎక్కువ రైళ్లు అందుబాటులో ఉన్నాయని సంబంధిత శాఖ తెలిపింది. రానున్న రోజుల్లో మరిన్ని రైళ్లకు అనుమతి ఇవ్వనున్నట్లు అధికార ప్రతినిధి తెలిపారు. అయితే దేశంలో రైలు సర్వీసులు పూర్తి స్థాయిలో ఎప్పుడు అందుబాటులోకి వస్తాయనేది రైల్వే శాఖ ప్రకటించలేదు. ఇదిలా ఉంటే ప్రస్తుతం దేశవ్యాప్తంగా నడుస్తోన్న ప్రత్యేక రైళ్లను ప్రయాణికులు పూర్తి స్థాయిలో వినియోగించుకుంటున్నారు. వీటిలో కొన్ని సబర్బన్‌ రైళ్లు కూడా ఉన్నాయని శాఖ వివరించింది. కరోనా వల్ల దేశంలో రైలు సర్వీసులను నిలిపివేసిన విషయం తెలిసిందే..

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని