Published : 16/02/2021 13:35 IST

ఉత్తరాఖండ్‌: బొమ్మలకు అంత్యక్రియలు

58కి చేరిన మరణాలు..

తపోవన్‌: జల ప్రళయం చోటుచేసుకున్న ఉత్తరాఖండ్‌లో గాలింపు చర్యలు కొనసాగుతున్నాయి. మంగళవారం ఉదయం మరో రెండు మృతదేహాలు లభించాయి. దీంతో మృతుల  సంఖ్య 58కి చేరింది. వీరిలో 29 మందిని గుర్తించినట్లు జిల్లా కలెక్టర్‌ స్వాతి బధౌరియా తెలిపారు. కాగా, మరో 146 మంది ఆచూకీ ఇంకా లభించాల్సి ఉంది. తపోవన్‌ ప్రాంతంలోని 1.7 కిలోమీటర్ల పొడవున్న ఎన్టీపీసీ హైడ్రోపవర్‌ ప్రాజెక్టు  సొరంగంలో ఇప్పటి వరకూ పదకొండు మృతదేహాలను వెలికితీశారు. సొరంగంలో భారీగా పేరుకుపోయిన బురద వల్ల గాలింపు చర్యలకు ఆటంకం కలుగుతోంది. ఇప్పటి వరకు 146 మీటర్ల మేర బురదను తొలగించామని కలెక్టర్‌ తెలిపారు. రిషి గంగ డ్యామ్, రేని గ్రామాల వద్ద కూడా గాలింపు చర్యలు కొనసాగుతున్నాయని వివరించారు.

ఇదిలా ఉండగా, ఘటన జరిగి పది రోజులవుతున్నా గల్లంతైన వారి ఆచూకీ లభించకపోవటంతో.. వారు తిరిగి వస్తారనే ఆశలు క్రమంగా అడుగంటుతున్నాయి. ఇక వారి మృతదేహాలు లభ్యమయ్యే అవకాశం కూడా క్షీణిస్తుండటంతో మృతుల బొమ్మలకు అంత్యక్రియలు నిర్వహిస్తున్నారు. ఇక్కడి జౌన్సారీ తెగల సంప్రదాయం ప్రకారం చనిపోయిన వారికి 14 రోజుల్లోగా అంత్యక్రియలు నిర్వహించాలని చెబుతున్నారు. మృతదేహాలు లభించకపోవడంతో.. వారి ఆకృతితో ఉన్న బొమ్మలకు అంత్యక్రియలు జరిపిస్తున్నట్టు వారు శోకతప్త హృదయాలతో వివరించారు.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని