Sherni: పులిని పట్టుకుందా? లేదా?

అదో అందమైన అటవీ ప్రాంతం. దానికి దగ్గర్లో ఓ చిన్న గ్రామం. గ్రామస్తులపై పులి దాడి చేస్తోంది. దాన్ని పట్టుకోవడం ఎవరివల్లా కాదు. పులిని పట్టుకోవడానికి అడవికి వస్తుంది ఓ మహిళా అటవీ అధికారి. వచ్చాకా ఆమెకు ఎన్నో సవాళ్లు ఎదురవుతాయి. ఎలాంటి కష్టనష్టాలకోర్చి ఆమె గ్రామస్తుల సమస్యని తీర్చింది? ఇవన్నీ ఆసక్తికరం అంటోంది ‘షేర్నీ’ చిత్రబృందం. విద్యాబాలన్‌ ప్రధాన పాత్రలో నటించిన చిత్రమిది. అమిత్‌ మసుర్కర్‌ దర్శకత్వం వహించారు. ఈ నెల 18న ఈ చిత్రం ఓటీటీ ద్వారా విడుదల కానుంది. తాజాగా బుధవారం ఈ సినిమా ట్రైలర్‌ను విడుదల చేశారు. దీనికి మంచి స్పందన లభిస్తోంది. ఫారెస్ట్‌ ఆఫీసర్‌గా విద్యా నటన, ఆమె సంభాషణలు ఆకట్టుకుంటున్నాయి.