Published : 04/03/2021 21:11 IST

చైతన్య కోసం నదిలోకి దూకిన అభిమాని

వైరల్‌గా మారిన వీడియో

హైదరాబాద్‌: తమకిష్టమైన హీరోని చూసేందుకు కొంతమంది అభిమానులు ఎంతో ఆసక్తి కనబరుస్తుంటారు. ఈ క్రమంలోనే మరి కొంతమంది అభిమానులు మాత్రం అత్యుత్సాహం ప్రదర్శిస్తుంటారు. తాజాగా కథానాయకుడు నాగచైతన్యని చూసేందుకు ఓ అభిమాని అత్యుత్సాహం ప్రదర్శించి నదిలోకి దూకేశాడు. నాగచైతన్య హీరోగా విక్రమ్‌ కుమార్‌ దర్శకత్వంలో తెరకెక్కుతోన్న చిత్రం ‘థ్యాంక్యూ’. శ్రీ వేంకటేశ్వర క్రియేషన్స్‌ బ్యానర్‌పై దిల్‌రాజు ఈ చిత్రాన్ని నిర్మిస్తున్నారు.

కాగా, ఇటీవల ప్రారంభమైన ఈ సినిమా షూట్‌ ప్రస్తుతం తూర్పుగోదావరి జిల్లాలో జరుగుతోంది. అభిమాన నటుడు తమ ప్రాంతానికి వచ్చాడని తెలుసుకున్న ఎంతోమంది స్థానికులు లొకేషన్‌ వద్దకు చేరుకున్నారు. షూట్‌లో భాగంగా పడవలో ప్రయాణిస్తున్న చైతన్యను చూసేందుకు పలువురు అభిమానులు ఆసక్తి కనబరిచారు. దగ్గరలో ఉన్న వంతెనపై నిల్చొని ‘చైతన్య, చైతన్య’ అని పిలవడం ప్రారంభించారు. ఈ క్రమంలోనే ఓ అభిమాని అత్యుత్సాహం కనబరిస్తూ.. నదిలోకి దూకేశాడు. అంతేకాకుండా చైతన్య పడవ వెనుకనే ఈత కొట్టాడు. అభిమాని చర్యతో షాక్‌కు గురైన చైతన్య.. సదరు అభిమానిని కలిసి అతనితో మాట్లాడి.. ఇకపై ఇలాంటి చర్యలకు పాల్పడవద్దని సున్నితంగా చెప్పారు. దీనికి సంబంధించిన వీడియో ప్రస్తుతం నెట్టింట్లో వైరల్‌గా మారింది.



Read latest Movies News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని