Auto Rajini: యాక్షన్‌ రజనీ

జొన్నలగడ్డ హరికృష్ణ, మోక్ష జంటగా నటిస్తున్న చిత్రం ‘ఆటో రజనీ’.  శ్రీనివాస్‌ జొన్నలగడ్డ స్వీయ దర్శకత్వంలో నిర్మిస్తున్నారు. ఎంపీ నందిగాం సురేష్‌ కీలక పాత్ర పోషిస్తున్నారు. ఈ చిత్ర బృందం ఇటీవల ఏపీ  ముఖ్యమంత్రి వైఎస్‌ జగన్‌ను కలిసింది. ఈ సందర్భంగా సినిమాలోని కొన్ని సన్నివేశాలను ఆయనకు చూపించి, ఆశీస్సులు తీసుకున్నారు. ఈ సందర్భంగా చిత్ర దర్శకుడు మాట్లాడుతూ.. ‘‘హై ఓల్టేజ్‌ యాక్షన్‌ ఎంటర్‌టైనర్‌ ఇది. ఇటీవలే విజయవాడలోని ప్రకాశం బ్యారేజ్‌ వద్ద ఓ భారీ షెడ్యూల్‌ చిత్రీకరించాం. అలాగే ప్రేమ్‌ రక్షిత్‌ ఆధ్వర్యంలో 150మంది డ్యాన్సర్లతో ఓ పాట తెరకెక్కించాం. జూన్‌ 10న విజయవాడలోనే మరో షెడ్యూల్‌ ప్రారంభిస్తాం. జులై 10 నుంచి కృష్ణపట్నం పోర్టులో క్లైమాక్స్‌ చిత్రీకరణ మొదలుపెడతాం’’ అన్నారు. ఈ చిత్రానికి సంగీతం: మణిశర్మ, ఛాయాగ్రహణం: ప్రసాద్‌ బాబు.