Pushpa2: ‘పుష్ప2’ పాటల పనులు షురూ

అల్లు అర్జున్‌ - సుకుమార్‌ కాంబినేషన్‌లో రూపొందిన సినిమా ‘పుష్ప’. ఈ చిత్రం సంచలన విజయాన్ని అందకోవడంతో ‘పుష్ప2’పై జాతీయ స్థాయిలో భారీ అంచనాలు ఏర్పడ్డాయి. ప్రస్తుతం పూర్వ నిర్మాణ పనుల్లో ఉన్న ఈ చిత్రం.. త్వరలో సెట్స్‌పైకి వెళ్లనుంది. ఈ నేపథ్యంలో చిత్ర బృందం సంగీత పనులకు శ్రీకారం చుట్టింది. ‘పుష్ప’ పాటలు చిత్ర విజయంలో కీలక పాత్ర పోషించాయి. దీంతో ‘పుష్ప: ది రూల్‌’ పాటలపై ప్రేక్షకుల్లో మంచి అంచనాలు ఏర్పడ్డాయి. వీటికి తగ్గట్లుగానే పార్ట్‌-2 పాటల కోసం సుకుమార్‌ ఆధ్వర్యంలో దేవిశ్రీ ప్రసాద్‌ - చంద్రబోస్‌ బృందం గట్టి కసరత్తులు చేస్తోంది. ఇప్పటికే రెండు పాటలకు సంబంధించిన ట్యూన్స్‌ సిద్ధమయ్యాయని, సాహిత్య విషయమై చంద్రబోస్‌, సుకుమార్‌, దేవిశ్రీకి మధ్య చర్చలు జరుగుతున్నాయని తెలుస్తోంది. ఈ సందర్భంగా ముగ్గురు విదేశాల్లో దిగిన ఫొటోలు నెట్టింట దర్శనమిచ్చాయి.