Updated : 15/05/2021 14:03 IST

Paresh Rawal: క్షమించండి.. కేవలం నిద్రపోయా!!

ఫేక్‌ న్యూస్‌పై నటుడి సెటైర్‌

ముంబయి: దేశవ్యాప్తంగా కరోనా కల్లోలం విజృంభిస్తోన్న వేళ సోషల్‌మీడియాలో ఫేక్‌ న్యూస్‌లు సైతం చక్కర్లు కొడుతున్నాయి. సోషల్‌మీడియా ఓపెన్‌ చేస్తే ఓ వైపు కరోనా వైరస్‌, మరోవైపు సెలబ్రిటీల ఆరోగ్య పరిస్థితులు గురించి ఎక్కువగా వార్తలు కనబడుతున్నాయి. ఈ క్రమంలోనే తాజాగా ప్రముఖ బాలీవుడ్‌ నటుడు పరేశ్‌ రావల్‌ కన్నుమూసినట్లు శుక్రవారం ఉదయం నెట్టింట్లో వార్తలు చక్కర్లు కొట్టాయి. ఇటీవల కరోనా నుంచి కోలుకున్న ఆయన అనారోగ్యం కారణంగా నిన్న ఉదయం ఏడు గంటలకు కన్నుమూశారని వార్తలు దర్శనమిచ్చాయి. అయితే వీటిపై పరేశ్‌ రావల్‌ సెటైరికల్‌గా స్పందించారు. ‘క్షమించండి.. మీరు చెబుతున్నట్లు ఏడు గంటల సమయంలో నేను నిద్రలో ఉన్నా. శాశ్వత నిద్రలో కాదు’ అని పోస్ట్‌ పెట్టారు.

బాలీవుడ్‌లో తెరకెక్కిన ఎన్నో చిత్రాల్లో పరేశ్‌ రావల్‌.. ప్రతినాయకుడిగా, సహాయనటుడిగా నటించి మెప్పించారు. ‘మనీ’తో ఆయన నటుడిగా తెలుగు తెరపై మెరిశారు. ‘గోవిందా గోవిందా’, ‘మనీ మనీ’, ‘బావగారు బాగున్నారా’, వంటి సినిమాలతో ఆకట్టుకున్నారు. ‘శంకర్‌దాదా ఎంబీబీఎస్‌’తో లింగం మావయ్యగా పరేశ్‌ తెలుగువారికి మరింత చేరువయ్యారు. మరోవైపు మార్చి నెలలో ఆయన కొవిడ్‌-19 బారినపడ్డారు. ఈవిషయాన్ని తెలియజేస్తూ అప్పట్లో ట్వీట్‌ పెట్టారు. హోమ్‌ ఐసోలేషన్‌లో ఉండి.. వైద్యుల సూచనలు పాటించి కరోనా నుంచి కోలుకున్నట్లు ఏప్రిల్‌లో ప్రకటించారు.

Read latest Movies News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని