Updated : 06/05/2021 12:11 IST

Corona: ఉద్వేగానికి లోనైన ఆర్పీ పట్నాయక్‌

వైరల్‌గా మారిన వీడియో

హైదరాబాద్‌: కొవిడ్‌ వల్ల దేశంలో పరిస్థితులు రోజురోజుకీ దిగజారిపోతున్నాయని ప్రముఖ సంగీత దర్శకుడు ఆర్పీ పట్నాయక్‌ అన్నారు. కరోనా బారిన పడకుండా ఉండేందుకు ప్రతిఒక్కరూ కొన్నిరోజులపాటు ఇళ్లలోనే ఉండాలని ఆయన పిలుపునిచ్చారు. కొవిడ్‌ పరిస్థితుల గురించి ప్రజలకు అవగాహన కల్పిస్తూ తాజాగా ఆయన ఓ వీడియోని షేర్‌ చేశారు. ప్రస్తుతం దేశంలో ఉన్న పరిస్థితులను చూస్తుంటే ఎంతో బాధగా ఉందని ఆయన ఆవేదన వ్యక్తం చేశారు. తనని సాయం కోరిన వారికి సైతం సాయం అందించలేని పరిస్థితులు ఆసుపత్రుల వద్ద నెలకొన్నాయన్నారు.

‘బయట పరిస్థితులు చూస్తుంటే నాకెంతో బాధగా ఉంది. ఒకప్పుడు మనం వుహాన్‌ని చూసినట్లు ఇప్పుడు భారత్‌ని ప్రపంచం చూస్తోంది. తన తల్లికి సరైన సమయంలో బెడ్‌ దొరకకపోవడం వల్ల చనిపోవడంతో ఓ వ్యక్తి వెళ్లి ఆసుపత్రి సిబ్బందిపై దాడి చేశాడు. ఒక్కటి ఆలోచించండి ఆసుపత్రిలో పడకలు అందుబాటులో లేనప్పుడు వైద్యులు మాత్రం ఏం చేయగలరు. ఇలాంటి ఘటనలు ఎన్నోచోట్ల జరుగుతున్నాయి. ఆసుపత్రుల్లో పడకలు లేక చనిపోయేవాళ్ల కన్నా ఆక్సిజన్‌ అందక చనిపోయేవాళ్లు ఎక్కువయ్యారు. ఇవన్నీ వాస్తవాలు. మనం వినకూడదు అనుకున్నా వినాల్సిన నిజాలు. ఎంతోమంది తమ తల్లిదండ్రుల్ని, కుటుంబసభ్యుల్ని కోల్పోతున్నారు. నాకు ఎంతోమంది సాయం కోసం పోన్లు చేస్తున్నారు. ప్రస్తుతం ఉన్న రోజుల్లో వాళ్లకు అవసరమైన సాయాన్ని చేయలేకపోతున్నందుకు బాధగా అనిపిస్తుంది. ప్రతిరోజూ కొవిడ్‌ కేసుల గురించి మనం వింటున్న లెక్కలు నిజం కాదు. నిజమైన లెక్కలు తెలియాలంటే ఒక్కసారి శ్మశానాలకు వెళ్లండి. ఇంత జరుగుతున్నా.. ఎలక్షన్స్‌ ముఖ్యం, ఫలితాల లెక్కింపు ముఖ్యం అనే దౌర్భాగ్యస్థితిలో మన రాజకీయ నాయకులు ఉన్నారు. ఇంతమంది మనుషుల ప్రాణాలతో ఆడుకుంటున్నారు మీరు అస్సలు మనుషులేనా? ఎన్నికలు అయిపోయాయి కదా.. ఎన్నికలపై మీరు చూపిన శ్రద్ధలో కేవలం ఒక్కశాతమైన ఇప్పుడు ప్రజలపై చూపించండి. దయచేసి మీకు మొక్కుతున్నా. ఉన్నవాళ్లనైనా కాపాడే ప్రయత్నం చేయండి. మృతుల్ని చూసి వైద్యులు సైతం తల్లడిల్లిపోతున్నారు’ అని ఆయన పేర్కొన్నారు.


Read latest Movies News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని