Published : 05/12/2021 02:12 IST

Sirivennela: ‘ఇదే చివరి పాట కావొచ్చు’ అని ఆ రోజు గట్టిగా నవ్వేశారు!

హైదరాబాద్‌: ప్రముఖ సినీ గేయ రచయిత ‘సిరివెన్నెల’ సీతారామశాస్త్రి (Sirivennela SeetharamaSastry) మృతిని చిత్ర పరిశ్రమ ఇప్పటికీ మరువలేకపోతోంది. ‘పాటల రూపంలో ఆయన బతికే ఉన్నారు’ అన్న నిజంతో ముందుకు సాగుతోంది. కాగా, నాని కథానాయకుడిగా రాహుల్‌ సాంకృత్యన్‌ దర్శకత్వంలో తెరకెక్కిన చిత్రం ‘శ్యామ్‌ సింగరాయ్‌’. సాయిపల్లవి, కృతిశెట్టి కథానాయిక. ఇప్పటికే చిత్రీకరణ పూర్తి చేసుకున్న ఈ సినిమా డిసెంబరు 24న ప్రేక్షకుల ముందుకు రానుంది. మిక్కీ జే మేయర్‌ స్వరాలు సమకూరుస్తున్నారు. ఈ సినిమా కోసం ‘సిరివెన్నెల’ రెండు పాటలు రాశారు. అందులో ఒక పాటకు ఆయన పేరే పెట్టి విడుదల చేస్తున్నట్లు కథానాయకుడు నాని (Nani) ప్రకటించారు. అసలు ఈ పాట రాసినప్పుడు సిరివెన్నెల (Sirivennela SeetharamaSastry) ఏమన్నారన్న విషయాన్ని దర్శకుడు రాహుల్‌ పంచుకున్నారు.

‘‘నవంబరు 3వ తేదీ రాత్రి సిరివెన్నెల సీతారామశాస్త్రి (Sirivennela SeetharamaSastry) గారు ఫోన్‌ చేశారు. ‘ఆరోగ్యం సహకరించక ఈ పాటను పూర్తి చేయలేకపోతున్నా ఇంకెవరితోనైనా రాయిద్దాం’ అన్నారు. ‘పర్వాలేదు సర్‌’ అని చెప్పా. మరుసటి రోజు ఉదయం ఆయనే కాల్‌ చేసి నన్ను నిద్రలేపారు. ఆ రోజు దీపావళి. ‘పల్లవి అయిపోయింది చెబుతాను రాసుకో’ అన్నారు. సడెన్‌గా చెప్పేసరికి ఎక్కడ రాయాలో అర్థం కాలేదు. పక్కనే మహాభారతం పుస్తకం ఉంటే దాని మీద రాసేశాను. అద్భుతమైన ఆరు లైన్లు ఇచ్చారు. అందులో మొదటి లైన్‌లో ఆయన పేరు రాశారు. ‘ఎందుకు సర్‌ ఈ పాటకు మీ సంతకం ఇచ్చారు’ అని అడిగాను. ‘బహుశా ఇదే నా ఆఖరి పాట అవ్వొచ్చు’ అని గట్టిగా నవ్వారు’’ అని రాహుల్‌ చెప్పారు. ‘‘ఈ పాట రికార్డింగ్‌ మొదలు పెట్టిన రోజునే ఆయన అంత్యక్రియలు జరిగాయి. పాట చాలా బాగా వచ్చింది సర్‌.. అందుకే మీ పేరే పెట్టుకున్నాం. మీరు వెళ్లిపోయిన తర్వాత కూడా మిమ్మల్ని కొత్తగా ప్రపంచానికి పరిచయం చేసే అవకాశం మాకు వచ్చినందుకు మా టీమ్ తరపున ధన్యవాదాలు’’ అని రాహుల్‌ సాంకృత్యన్‌ భావోద్వేగంతో మాట్లాడారు.


Read latest Movies News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్