Tollywood: విజయంలో ముఖ్యమైన ‘పాత్ర’
పాత్రల పేర్లే సినిమాలకీ పేర్లవుతున్నాయి. విడుదల తర్వాత కథల కంటే ఆ పాత్రలే సినిమాకి ప్రధాన ఆకర్షణగా నిలుస్తున్నాయి. వాటి హావభావాలు, నడవడికని ప్రేక్షకులు అనుకరించేంతగా ప్రభావం చూపిస్తున్నాయి. ఇటీవల ‘పుష్ప’ చిత్రంలో అల్లు అర్జున్ చేసిన పుష్పరాజ్ పాత్ర జనంలోకి ఎంతగా వెళ్లిందో ప్రత్యేకంగా చెప్పనక్కర్లేదు.
పాత్రల పేర్లే సినిమాలకీ పేర్లవుతున్నాయి. విడుదల తర్వాత కథల కంటే ఆ పాత్రలే సినిమాకి ప్రధాన ఆకర్షణగా నిలుస్తున్నాయి. వాటి హావభావాలు, నడవడికని ప్రేక్షకులు అనుకరించేంతగా ప్రభావం చూపిస్తున్నాయి. ఇటీవల ‘పుష్ప’ చిత్రంలో అల్లు అర్జున్ చేసిన పుష్పరాజ్ పాత్ర జనంలోకి ఎంతగా వెళ్లిందో ప్రత్యేకంగా చెప్పనక్కర్లేదు. ఇన్స్టా రీల్స్, మీమ్స్ నుంచి యూట్యూబ్ పేరడీల వరకూ.. చిన్నాపెద్దా తేడా లేకుండా అందరూ ఈ పాత్ర మేనరిజాన్ని అనుసరించారు. మొత్తంగా ఇటీవల విడుదలైన సినిమాల్లో పాత్రలే విజయాల పంట పండిస్తున్నాయి. కొనసాగింపుగా మరో సినిమాతీయడానికి కావల్సినంత భరోసాని అవే ఇస్తున్నాయి.
సహజంగా ఓ సినిమా విడుదల తర్వాత కథ కొత్తదనో లేదంటే పాతదనో... బాగుందనో బాగోలేదనో - ఇలా సినీ ప్రేమికుల చర్చంతా కథ చుట్టూనే తిరుగుతూ ఉంటుంది. కొన్నిసార్లు కథ కంటే అందులోని పాత్రలే ఎక్కువగా చర్చని లేవనెత్తుతుంటాయి. ఇటీవల విడుదలైన తెలుగు సినిమాల విషయంలో అదే జరిగింది. కథా నాయకుల క్యారెక్టరైజేషనే ఆయా సినిమాలకి కీలకంగా మారింది. అవే ఫలితాల్నీ ప్రభావితం చేశాయి. కథ లేకుండా సినిమా లేదనేది అందరికీ తెలిసిన సత్యమే. కొన్నిసార్లు ఓ బలమైన పాత్ర నుంచే కథ పుడుతుంటుంది. ఆ పాత్రే కథని సైతం శాసిస్తుంటుంది. అలాంటప్పుడే ‘అఖండ’, ‘పుష్ప’, ‘శ్యామ్సింగరాయ్’, ‘బంగార్రాజు’ తరహా సినిమాలొస్తుంటాయి.
* ‘అఖండ’ సినిమాలో బాలకృష్ణ రెండు పాత్రలు చేసుండొచ్చు. బోయపాటి శ్రీను బలమైన అంశాల్ని చాలానే స్పృశించి ఉండొచ్చు కానీ... అందులో అన్నిటికంటే హైలెట్గా నిలిచింది అఘోరా పాత్రే. కథపై అఖండమైన ప్రభావం చూపించిందా పాత్ర. దానికి ఆపాదించిన ప్రత్యేకమైన శక్తిసామర్థ్యాలు సూపర్ హీరోని చేశాయి. దాంతో ఎలాంటి విన్యాసాలు చేసినా ప్రేక్షకులు నమ్మారు. అందుకే ఆ చిత్రం అంత పెద్ద విజయం సాధించింది. అఖండ పాత్ర కొనసాగే అవకాశాలూ ఉన్నాయి.
* ‘పుష్ప’ సినిమాలో కథతో పాటు.. పుష్పరాజ్గా కథా నాయకుడిగా పాత్ర, దాని చిత్రణ, అందులో అల్లు అర్జున్ నటించిన తీరు హైలెట్గా నిలిచాయి. ‘పుష్ప: ది రైజ్’ అనే పేరుకు తగ్గట్టుగానే సినిమా అంతా ఆ పాత్ర, అది ఎదిగే క్రమంతోనే కథనం నడిచింది. దర్శకుడు సుకుమార్ సినిమాల్లో కథానాయకుడి పాత్రలు ఎప్పుడూ ప్రత్యేకమే. ఈ సినిమాలో అది మరింత ఎక్కువై ప్రేక్షకులను కట్టిపడేసింది. అల్లు అర్జున్ తన కోసమే పుట్టిన పాత్ర అన్నట్టుగా అందులో ఒదిగిపోయారు. రెండోసారి ప్రేక్షకుల ముందుకు రావడానికి సిద్ధమవుతున్న పుష్పరాజ్ ఇంకా ఎన్ని కథలుగా కొనసాగుతాడో చూడాలి.
* ‘శ్యామ్ సింగరాయ్’ పాత్రని ఉద్దేశిస్తూ పెట్టిన పేరే. నాని రెండు పాత్రల్లో కనిపించినా శ్యామ్ సింగరాయ్ పాత్రే సినిమాకి ప్రధాన ఆకర్షణగా నిలిచింది. దేవదాసీ వ్యవస్థని ప్రస్తావించినా శ్యామ్ సింగరాయ్ పాత్రకి ఉన్న ప్రత్యేకమైన లక్షణం, ఆ పాత్ర హావభావాలు, బెంగాలీ గెటప్ సినిమాకి కొత్తదనాన్ని తీసుకొచ్చింది. క్యారెక్టరైజేషన్తోనే ఎక్కువగా ప్రభావం చూపించే ప్రయత్నం చేశారు.
* సంక్రాంతికి వచ్చి విజయాన్ని అందుకున్న ‘బంగార్రాజు’ సినిమా రావడానికి కారణమే బంగార్రాజు పాత్ర. ‘సోగ్గాడే చిన్నినాయనా’లో బంగార్రాజు పాత్రలో నాగార్జున చేసిన సందడి ప్రేక్షకులకు భలే నచ్చింది. ఆ పాత్రలో ఆయన ఒదిగిపోయిన తీరు, హావభావాలు ఆకట్టుకున్నాయి. అందుకే ఆ పాత్రని కొనసాగిస్తూ కథని రాసుకుని సినిమాని తీశారు దర్శకుడు కల్యాణ్కృష్ణ కురసాల. బంగార్రాజు పాత్రని కొనసాగించే ఆలోచనా ఉందని చెబుతున్నారు నాగార్జున.
పాత్రల పేర్లతో సినిమాలు రావడం... క్యారెక్టరైజేషన్లతో ప్రేక్షకులపై ప్రభావం చూపించడం తెలుగు సినిమాకి కొత్తేం కాదు. కానీ... ఈమధ్య దర్శకులు కథలపై ఎంత దృష్టిపెడుతున్నారో, కథానాయకుల పాత్రలపైనా అంతే కసరత్తు చేస్తున్నారు. దాంతో అవి ప్రేక్షకులపై బలమైన ముద్ర వేస్తున్నాయి. అభిమానుల మనసులతో పాటు... బాక్స్ఫీసునూ కొల్లగొడుతున్నాయి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
పాటల హంగామా..
ఈ వేసవిలో అగ్ర తారల సినిమాల జోరు కనిపించలేదు. మే నుంచైనా హడావుడి మొదలవుతుందేమో అనుకుంటే, ఇంకాస్త ఆలస్యం అనే సంకేతాలు వస్తున్నాయి. ‘పుష్ప2’ మినహా మరే సినిమా విడుదల తేదీని ఖరారు చేయలేదు. -
అజిత్ సరసన శ్రీలీల?
అగ్ర కథానాయకులతో వరుసగా జట్టు కడుతున్న శ్రీలీల.. ఈసారి తమిళ టాప్ హీరో అజిత్తో ఆడిపాడటానికి సిద్ధమవుతోంది. ‘గుడ్ బ్యాడ్ అగ్లీ’ అనే చిత్రంలో ఆయన సరసన నటించనుందని సమాచారం. -
ప్రభాస్తో కియారా?
‘సలార్ 2’ని పట్టాలెక్కించేందుకు రంగం సిద్ధమవుతోంది. జూన్లో లేదా జులైలో ప్రభాస్ రంగంలోకి దిగనున్నట్టు తెలుస్తోంది. ఈ దశలోనే ఈ సినిమాకి సంబంధించిన పలు ఆసక్తికరమైన విషయాలు వినిపిస్తున్నాయి. -
ముంబయిలో కుబేర
ధనుష్, నాగార్జున అక్కినేని ప్రధాన పాత్రధారులుగా తెరకెక్కుతున్న చిత్రం ‘కుబేర’. రష్మిక కథానాయిక. శేఖర్ కమ్ముల దర్శకత్వం వహిస్తున్నారు. అమిగోస్ క్రియేషన్స్ సంస్థతో కలిసి శ్రీ వెంకటేశ్వర సినిమాస్ పతాకంపై సునీల్ నారంగ్, పుస్కూర్ రామ్మోహన్రావు నిర్మిస్తున్నారు. -
ఇళయరాజా కేసులో ట్విస్ట్
పాటలకు గీత రచయిత కూడా హక్కు కోరితే ఏమవుతుందని సంగీత దర్శకుడు ఇళయరాజా వ్యవహారంలో మద్రాసు హైకోర్టు ప్రశ్నించింది. కాపీరైట్ గడవు ముగిసినా, తన పాటలను ఇంకా వాడుకుంటున్నారంటూ ఎకో, ఏఐజీ మ్యూజిక్ కంపెనీలపై సంగీత దర్శకుడు ఇళయరాజా దాఖలు చేసిన పిటిషన్పై విచారణ సందర్భంగా న్యాయస్థానం ఈ వ్యాఖ్యలు చేసింది. -
హాయైన వినోదంతో ‘ఏం చేస్తున్నావ్’
కథాబలం ఉన్న సినిమాలతో ఈటీవీ విన్ ప్రేక్షకులకు పసందైన వినోదాన్ని పంచుతోంది. ‘చి90×(’ మొదలుకొని వినూత్నమైన సినిమాలు వరుసగా ఈ వేదికలో సందడి చేస్తున్నాయి. తాజాగా ఆ జాబితాలోకి ‘ఏం చేస్తున్నావ్’ చేరింది. -
పెళ్లి సమస్యని వినోదాత్మకంగా చూపించాం
‘‘వినోదం, ప్రేమ, కుటుంబ భావోద్వేగాలు.. ఇలా అన్నీ ఉన్న చిత్రం ‘ఆ.. ఒక్కటీ అడక్కు’. తప్పకుండా ఇది అందరికీ కనెక్ట్ అయ్యేలా ఉంటుంద’’న్నారు నిర్మాత రాజీవ్ చిలక. ఆయన నిర్మాణంలో అల్లరి నరేశ్ హీరోగా మల్లి అంకం తెరకెక్కించిన చిత్రమే ‘ఆ.. ఒక్కటీ అడక్కు’. -
ముగిసిన కీర్తి తొలి హిందీ చిత్రం
ఆచితూచి కథల్ని ఎంచుకుంటూ.. అన్ని భాషా చిత్రాల్లోని సినీప్రియుల్ని మెప్పిస్తోంది కథానాయిక కీర్తి సురేశ్. దక్షిణాదిలో ఇప్పటికే తానేంటో నిరూపించుకున్న ఈ భామ.. ‘బేబీ జాన్’తో బాలీవుడ్లోనూ అడుగు పెట్టింది. -
తారల మెరుపులు షురూ
అగ్ర కథానాయకుడు ఆమిర్ఖాన్ ‘లాల్సింగ్ చద్ధా’ పరాజయం తర్వాత అభిమానులు, పరిశ్రమవర్గాల చూపంతా ‘సితారే జమీన్ పర్’పైనే ఉంది. దీన్ని ఆర్.ఎస్.ప్రసన్న తెరకెక్కిస్తున్నారు. -
ఇన్నాళ్లకు కల నెరవేరింది
‘విలన్ పాత్రలు చేయాలని ఎప్పట్నుంచో నా కోరిక. మా నాన్న శత్రుఘ్నసిన్హా కెరీర్ తొలినాళ్లలో ప్రతినాయకుడిగానే మెప్పించారు. ఇన్నాళ్లకు ‘హీరామండి: ది డైమండ్ బజార్’తో నా కల నెరవేరింది. -
స్పై యాక్షన్ కామెడీతో...
గతేడాది ‘డ్రీమ్గర్ల్ 2’తో మంచి విజయాన్ని అందుకున్న బాలీవుడ్ కథానాయకుడు ఆయుష్మాన్ ఖురానా.. ఇప్పుడో సరికొత్త సినిమాతో ప్రేక్షకుల ముందుకు రావడానికి సిద్ధమవుతున్నాడు. తాజాగా ఆయన కరణ్ జోహార్ నిర్మిస్తున్న ఓ స్పై కామెడీ చిత్రంలో నటిస్తున్నట్లు సమాచారం. -
ప్రీమియర్ షోలో మెరిసిన తారలు.. అలియా అలా.. రష్మిక ఇలా..
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ.. -
ఎట్టకేలకు తెలుగులో ‘OMG2’.. స్ట్రీమింగ్ ఎక్కడంటే?
అక్షయ్కుమార్, పంకజ్ త్రిపాఠి కీలక పాత్రల్లో నటించిన ‘ఓఎంజీ2’ తెలుగు వెర్షన్ ఇప్పుడు స్ట్రీమింగ్కు తీసుకొచ్చింది జియో సినిమా. -
‘హీరామండీ’తో నా కల నెరవేరింది: సోనాక్షి సిన్హా
తాను నటించిన ‘హీరామండీ’ వెబ్సిరీస్ త్వరలో విడుదల కానున్న నేపథ్యంలో సోనాక్షి ఇంటర్వ్యూలతో బిజీగా ఉన్నారు.
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (26/04/24)
-
ముయిజ్జు పార్టీకి ‘సూపర్ మెజార్టీ’.. భారత్ స్పందనిదే...
-
బంగ్లాదేశ్ను చూసి సిగ్గు పడుతున్నాం - పాకిస్థాన్ ప్రధాని
-
ప్రీమియర్ షోలో మెరిసిన తారలు.. అలియా అలా.. రష్మిక ఇలా..
-
ఎట్టకేలకు తెలుగులో ‘OMG2’.. స్ట్రీమింగ్ ఎక్కడంటే?
-
‘హీరామండీ’తో నా కల నెరవేరింది: సోనాక్షి సిన్హా