Published : 02/11/2021 14:45 IST

Sridevi Drama Company: ‘అతడు’ స్పూఫ్‌తో ‘జబర్దస్త్‌’ కామెడీ.. గానంతో కట్టిపడేసిన ఇంద్రజ

ఇంటర్నెట్‌ డెస్క్‌: బుల్లితెర ప్రేక్షకుల్ని ప్రతి ఆదివారం వినోదంలో ముంచెత్తే కార్యక్రమం ‘శ్రీదేవి డ్రామా కంపెనీ’. సుధీర్‌ వ్యాఖ్యాతగా ‘ఈటీవీ’లో ప్రసారమవుతుంది. పండగ రోజున, సినీ ప్రముఖుల పుట్టినరోజున ఈ షోలో ఎంటర్‌టైన్‌మెంట్‌ మోతాదు కాస్త ఎక్కువగా ఉంటుంది. ఇప్పటికే ఎన్నో పండగలు, ఎందరో సెలబ్రిటీల గురించి వివరించి, అలరించిన ఈ షో మరోసారి అంతే హుషారుగా సాగింది. నవంబరు 7న ప్రముఖ దర్శకుడు త్రివిక్రమ్‌ పుట్టినరోజు. ఈ సందర్భంగా రూపొందిన ప్రత్యేక ఎపిసోడ్‌కి సంబంధించిన ప్రోమో తాజా విడుదలైంది. ఆ విశేషాలివీ..

త్రివిక్రమ్‌ తెరకెక్కించిన సినిమాల్లోని పాటలు, సన్నివేశాలతో ఆద్యంతం అలరించేలా సాగింది. మహేశ్‌ బాబు హీరోగా వచ్చిన ‘అతడు’ సినిమాలో నాజర్‌- తనికెళ్ల భరణి మధ్య సాగే సన్నివేశం ఎంతగా అలరించిందో ప్రత్యేకంగా చెప్పనవసరం లేదు. అదే సీన్‌ని స్పూఫ్‌ చేసి ‘జబర్దస్త్‌’ నటులు ఆది, గెటప్‌ శ్రీను, సుధీర్‌, ప్రసాద్‌ విశేషంగా ఆకట్టుకున్నారు. సినిమాలోని ఈ సీరియస్‌ సన్నివేశాన్ని వీళ్లు సరదాగా రీ క్రియేట్‌ చేశారు. నటి ఇంద్రజ ఈ వేదికపై తనలోని కొత్త కోణాన్ని ఆవిష్కరించారు. ‘కన్నులతో చూసేవి గురువా’ పాటని ఆలపించి అందరినీ కట్టిపడేశారు. మధ్యలో.. త్రివిక్రమ్‌ జీవిత ప్రస్థానాన్ని చూపించిన తీరు బాగుంది. వీడియో చివరిలో.. త్రివిక్రమ్‌ స్నేహితుడు, నటుడు పవన్‌ కల్యాణ్‌ డూప్‌ ఎంట్రీ ప్రత్యేక ఆకర్షణగా నిలిచింది. త్రివిక్రమ్‌ గురించి వీరంతా ఇంకా ఏఏ సంగతులు చెప్పారు? తెలియాలంటే నవంబరు 7 వరకు ఆగాల్సిందే. 


Read latest Movies News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని