Varun Tej: జూన్‌ నెలాఖరులో?

వరుణ్‌ తేజ్‌ ప్రస్తుతం ‘ఎఫ్‌3’తో నవ్వులు పంచేందుకు సిద్ధంగా ఉన్నారు. ఇది పూర్తయిన వెంటనే దర్శకుడు ప్రవీణ్‌ సత్తారు సినిమా కోసం రంగంలోకి దిగనున్నారు. బాపినీడు, బీవీఎస్‌ఎన్‌ ప్రసాద్‌ సంయుక్తంగా నిర్మిస్తున్న చిత్రమిది. ఇప్పటికే లాంఛనంగా మొదలైన ఈ సినిమా.. జూన్‌ నెలాఖరు నుంచి రెగ్యులర్‌ చిత్రీకరణ ప్రారంభించుకోనున్నట్లు సమాచారం. వినూత్నమైన కథాంశంతో స్టైలిష్‌ యాక్షన్‌ ఎంటర్‌టైనర్‌గా ఈ చిత్రం రూపొందించనున్నారు. సినిమాలో ఎక్కువ భాగం లండన్‌లో చిత్రీకరించనున్నట్లు తెలిసింది. వినయ్‌ రాయ్‌ ఇందులో ప్రతినాయకుడిగా కనిపించనున్నట్లు ప్రచారం వినిపిస్తోంది.