సరదాగా నా కొడుకు బెంజ్‌కారు నడిపాడు!

తప్పుడు ప్రచారం మానుకోవాలన్న మంత్రి జయరాం

అమరావతి: బెంజ్‌ కారు నడిపినంత మాత్రాన ఈఎస్‌ఐ కుంభకోణంలో తన పేరును తీసుకొస్తూ తెదేపా నేత అయ్యన్నపాత్రుడు చేస్తున్న తప్పుడు ప్రచారం మానుకోవాలని మంత్రి జయరాం హెచ్చరించారు. తన కుమారుడు యువకుడని, అతడి స్నేహితుడు అడిగాడు కాబట్టే  సరదాగా ఆ కారు నడిపాడని జయరాం వివరించారు. బెంజ్‌ కారు బహుమానంగా ఇచ్చారంటూ తనపై అభియోగం మోపుతున్నారనీ.. 2019 డిసెంబర్‌లో కార్తీక్‌ కారు కొన్నాడని తెలిపారు. కానీ ఈ కేసు నమోదైంది 2020 జూన్‌లో అని చెప్పారు. బెంజ్‌కారు నడిపినంత మాత్రాన కుంభకోణంలో ఉన్నట్టేనా?అని ప్రశ్నించారు. తనపై తప్పుడు ప్రచారం మానుకోవాలని అయ్యన్నకు సూచించారు.