Published : 01/11/2020 01:13 IST

దేవుడు సీఎం అయినా ఉద్యోగాలివ్వలేడు

పనాజి: దేవుడే సీఎం అయినా ప్రతి ఒక్కరికీ ప్రభుత్వ ఉద్యోగాలు కల్పించలేడని గోవా ముఖ్యమంత్రి ప్రమోద్‌ సావంత్‌ అన్నారు. శనివారం ఆయన గ్రామ పంచాయతీల బాధ్యులతో వెబినార్‌లో మాట్లాడారు. ఈ సందర్భంగా సీఎం ఈ వ్యాఖ్యలు చేశారు. ప్రభుత్వ గెజిటెడ్‌ అధికారులు గ్రామాల్లో పర్యటించి ప్రజలకు స్థానికంగా ఉద్యోగ అవకాశాలు కల్పించే లక్ష్యంతో అక్కడి ప్రభుత్వం ‘స్వయంపూర్ణ మిత్ర’ పథకానికి శ్రీకారం చుట్టింది. 

ఈ నేపథ్యంలో సీఎం ప్రమోద్‌ సావంత్‌ శనివారం ఈ పథకాన్ని వర్చువల్‌గా ప్రారంభించారు. అనంతరం మాట్లాడిన ఆయన ఈ కార్యక్రమంలో భాగంగా ప్రతి వ్యక్తి నెలకు రూ. 8 వేల నుంచి రూ.10 వేల వరకూ సంపాదించుకునేలా దిశానిర్దేశం చేయాలని పంచాయతీ బాధ్యులకు సీఎం సూచించారు. గోవాలో నిరుద్యోగుల శాతం 15.4 శాతానికి పెరిగినట్లు తాజా నివేదికలు చెబుతున్న నేపథ్యంలో ఆ రాష్ర్ట సీఎం చేసిన ఈ వ్యాఖ్యలు ప్రాధాన్యం సంతరించుకున్నాయి.

Read latest Politics News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని