భోజనంలోనూ మోసమేనా?: అయ్యన్న

విశాఖపట్నం: క్వారంటైన్‌లో ఉన్న వారికి భోజనం పెట్టే విషయంలోనూ మోసమేనా? అని మాజీ మంత్రి, తెదేపా సీనియర్‌ నేత సీహెచ్‌ అయ్యన్నపాత్రుడు ప్రశ్నించారు. శనివారం ఆయన మీడియాతో మాట్లాడుతూ... మెనూలో ఉన్న విధంగా ఎవరికైనా భోజనం పెడుతున్నారా? అని నిలదీశారు. కొవిడ్‌ బాధితులకు ఆసుపత్రిలో చికిత్స అనంతరం దారి ఖర్చులకు రూ.2వేలు ఇస్తామని ప్రకటించారు.. ఎవరికైనా ఇస్తున్నారా? అని అయ్యన్నపాత్రుడు ప్రశ్నించారు. కరోనా నిర్ధారణ పరీక్షలు నిర్వహించేందుకు నర్సీపట్నం, అనకాపల్లి, విశాఖ ఆసుపత్రులలో టెస్టింగ్‌ కిట్లు లేవన్నారు. ప్రజల ఆరోగ్యంతో ఆలలాడొద్దని ముఖ్యమంత్రికి విజ్ఞప్తి చేశారు.