Published : 07/11/2020 12:54 IST

బిహార్‌ : 11 గంటలకు 19.74% పోలింగ్

పట్నా: బిహార్‌లో తుది విడత ఎన్నికల పోలింగ్‌ కొనసాగుతోంది. కరోనా నిబంధనలు పాటిస్తూ ప్రజలు తమ ఓటు హక్కును వినియోగించుకుంటున్నారు. ప్రారంభంలో కాస్త తక్కువ శాతం పోలింగ్‌ నమోదైనప్పటికీ క్రమంగా పుంజుకుంటోంది. 11 గంటల వరకు 19.74 శాతం పోలింగ్ నమోదైనట్లు అధికారులు వెల్లడించారు. పోలింగ్‌ జరుగుతున్న జిల్లాలను ఓసారి పరిశీలిస్తే.. ఇప్పటి వరకు పశ్చిమ చంపారన్‌లో 19.14 శాతం, తూర్పు చంపారన్‌లో 20.16 శాతం, సీతామర్హిలో 19.71 శాతం, మధుబాణిలో 19.71 శాతం, సుపాల్‌లో 21 శాతం, అరారియాలో 24.87 శాతం, కిషన్‌గంజ్‌లో 19,63 శాతం, పూర్ణియాలో 20.32 శాతం పోలింగ్‌ నమోదైంది.

మరోవైపు  పూర్ణియాలోని కస్బా అసెంబ్లీ పరిధిలో స్థానికులు బీఎస్‌ఎఫ్‌ జవాన్‌తో తగాదాకు దిగారు. తమ మద్దతుదారుడిని తీవ్రంగా కొట్టాడనే కారణంతో ఆయన్ను చుట్టుముట్టారు. దీంతో స్థానిక పోలింగ్‌ కేంద్రంలో అధికారులు పోలింగ్‌ ప్రక్రియను తాత్కాలికంగా నిలిపివేశారు. దాదాపు రెండు గంటల తర్వాత తిరిగి ప్రారంభించారు.  సహర్ష శాసనసభ స్థానం ఆర్జేడీ అభ్యర్థి, మాజీ ఎంపీ ఆనంద్‌ మోహన్‌ భార్‌ లవ్‌లీ ఆనంద్‌ తన ఓటు హక్కును వినియోగించుకున్నారు.

Read latest Politics News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్