Telagnana Congress: 17న గజ్వేల్‌లో కాంగ్రెస్‌ సభ

హైదరాబాద్‌: ఈ నెల 17న గజ్వేల్‌లో సభ ఏర్పాటు చేయనున్నట్టు తెలంగాణ కాంగ్రెస్‌ పార్టీ వెల్లడించింది. సీఎం కేసీఆర్‌ నియోజకవర్గంలో దళిత, గిరిజన ఆత్మగౌరవ దండోరా సభ ఏర్పాటుపై ఇటీవల చర్చించిన టీపీసీసీ నేతలు.. ఈ మేరకు శనివారం తేదీని ఖరారు చేశారు. ఇప్పటికే ఆదిలాబాద్‌లోని ఇంద్రవెల్లి, చేవెళ్లలోని రావిర్యాలలో ఈ సభలు నిర్వహించిన విషయం తెలిసిందే. తెరాస పాలనలో దళిత, గిరిజన వర్గాలకు జరిగిన అన్యాయాన్ని ఎండగట్టి ప్రజల్లో చైతన్యం నింపేందుకు ప్రతి పార్లమెంటు నియోజకవర్గం పరిధిలో ‘దండోరా’ బహిరంగ సభలను ఏర్పాటు చేస్తున్నట్టు ఇటీవల టీపీసీసీ అధ్యక్షుడు రేవంత్‌ వెల్లడించారు.