Published : 15/03/2020 01:36 IST

ఎమ్మెల్యేలను తరలిస్తున్న కాంగ్రెస్‌

అహ్మదాబాద్‌: గుజరాత్‌లో నాలుగు రాజ్యసభ స్థానాలకు జరగబోయే ఎన్నికల నేపథ్యంలో కాంగ్రెస్‌ పార్టీ అప్రమత్తమైంది. అధికార భాజపాకు తమ ఎమ్మెల్యేలు చిక్కకుండా వారిని వేర్వేరు చోట్లకు తరలిస్తోంది.  ఈ నెల 26న ఎన్నిక జరగనున్న నేపథ్యంలో ముందుగానే వారిని తరలింపు ప్రక్రియ వేగవంతం చేసింది. సుమారు 12 మంది ఎమ్మెల్యేలు శనివారం అహ్మదాబాద్‌ ఎయిర్‌పోర్టులో కనిపించారు. ఓ వైపు అసెంబ్లీ సమావేశాలు జరుగుతుండగా.. వీరిని తరలిస్తుండడం గమనార్హం.

మొత్తం నాలుగు రాజ్యసభ స్థానాలకు గాను భాజపా ముగ్గురు, కాంగ్రెస్‌ ఇద్దరు అభ్యర్థులను బరిలోకి దింపింది. 182 స్థానాలున్న శాసనసభలో భాజపాకు 103 మంది సభ్యులున్నారు. కాంగ్రెస్‌కు 73 మంది ఉన్నారు. కాంగ్రెస్‌ పార్టీ రెండు సీట్లు గెలవాలంటే 74 మంది అవసరం ఉండగా.. ఇప్పటికే స్వతంత్ర ఎమ్మెల్యేగా ఉన్న జిగ్నేష్‌ మేవానీ కాంగ్రెస్‌కు మద్దతు తెలిపారు. అయితే, భాజపా ముగ్గురిని బరిలోకి దింపింది. ముగ్గురిని గెలిపించుకోవాలంటే భాజపాకు 111 మంది ఎమ్మెల్యేలు అవసరం. దీంతో భాజపా కాంగ్రెస్‌ సభ్యులను ఎక్కడ తమవైపు తిప్పుకొని క్రాస్‌ ఓటింగ్‌కు పురిగొల్పుతుందోనని హస్తం పార్టీ తమ ఎమ్మెల్యేలను తరలిస్తోంది. దీంతో వారిని వేర్వేరు ప్రాంతాలకు తరలిస్తోంది. ముఖ్యంగా తమ పార్టీ అధికారంలో ఉన్న రాజస్థాన్‌, ఛత్తీస్‌గఢ్‌కు తరలిస్తున్నట్లు తెలుస్తోంది.

Read latest Politics News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని