ఉత్తరాంధ్రకు వైకాపా అన్యాయం: అయ్యన్న

విశాఖపట్నం: ఉత్తరాంధ్ర రైతులకు వైకాపా ప్రభుత్వం అన్యాయం చేస్తోందని తెదేపా సీనియర్‌నేత సీహెచ్‌ అయ్యన్నపాత్రుడు ధ్వజమెత్తారు. అనకాపల్లిలో ఉద్యానవన పరిశోధన కేంద్రాన్ని తెదేపా ప్రభుత్వం ప్రారంభిస్తే... వైకాపా ప్రభుత్వం దాన్ని పులివెందులకు తరలించిందని తెలిపారు. డాక్టర్‌ సుధాకర్‌ తనకు గతంలోనే తెలుసని, అయితే.. కొందరు ఆరోపిస్తున్నట్టుగా వ్యక్తిగతంగా ఇటీవల తనతో మాట్లాడలేదని స్పష్టం చేశారు.
వైకాపా ప్రభుత్వానికి కౌంట్‌డౌన్‌ మొదలైందని, ఇక నుంచి అందరూ మాట్లాడతారన్నారు. 20శాతం పనులు పూర్తయిన ఉత్తరాంధ్ర సుజల స్రవంతిని సైతం రద్దు చేశారని మండిపడ్డారు. పోలవరం పనులపై రీటెండరింగ్‌ అన్న ప్రభుత్వం అసలు ఆ ప్రాజెక్టు నిర్మాణపనుల్ని చేపట్టిన మేఘా ఇంజినీరింగ్‌ సంస్థకు ఉన్న అనుభవం ఎమిటో చెప్పాలని డిమాండ్‌ చేశారు.