Published : 25/09/2021 01:18 IST

Rajnath Singh: ఆయన పేరు వింటే నేరస్థులకు వణుకే..: రాజ్‌నాథ్‌ వ్యాఖ్యలు

యోగిని ప్రశంసల్లో ముంచెత్తిన కేంద్రమంత్రి

మహారాజ్‌గంజ్‌: వచ్చే ఏడాది అసెంబ్లీ ఎన్నికలు జరగనున్న వేళ ఉత్తర్‌ప్రదేశ్‌ ముఖ్యమంత్రి యోగి ఆదిత్యనాథ్‌పై కేంద్ర రక్షణశాఖ మంత్రి రాజ్‌నాథ్‌ సింగ్‌ ప్రశంసల్లో ముంచెత్తారు. ఆయన నిజాయతీని ఎవరూ శంకించలేరని, యోగి పేరు వింటే నేరస్థులకు వణుకేనంటూ వ్యాఖ్యానించారు. యూపీలోని మహారాజ్‌గంజ్‌లో ఏర్పాటు చేసిన యోగి ఆదిత్యనాథ్‌కు మత గురువైన అవైద్యనాథ్ విగ్రహాన్ని రాజ్‌నాథ్‌ సింగ్‌ ఆవిష్కరించారు. ఈ సందర్భంగా ఆయన మాట్లాడుతూ.. యోగి తన గురువు చూపిన బాటలోనే నడుస్తున్నారన్నారు. ఆయన బహుళ పాత్రలు పోషించగల వ్యక్తి అని.. సనాతన ధర్మంతో పాటు రాష్ట్రాన్ని బలోపేతం చేసేందుకు కృషిచేస్తున్నారని ప్రశంసించారు.

యోగి పేరు వింటే నేరస్థులకు వణుకు మొదలువుతుందని, వారి గుండె కొట్టుకొనే వేగం కూడా పెరుగుతుందన్నారు. యోగి నిజాయతీని ఎవరూ శంకించలేరని తెలిపారు. గోరఖ్‌పూర్‌ వర్శిటీలో తాను విద్యార్థిగా ఉన్నప్పటి జ్ఞాపకాలను, గోరఖ్‌నాథ్‌ పీఠ్‌ అధిపతిగా అవైద్యనాథ్‌ ఉన్నప్పుడు ఆయనతో తనకు అనుబంధాన్ని గుర్తు చేసుకున్నారు. ప్రధాని నరేంద్ర మోదీ నాయకత్వాన్ని కూడా కొనియాడారు. ఈ సందర్భంగా యోగి మాట్లాడుతూ.. రాజ్‌నాథ్‌ సింగ్‌ ప్రధానితో కలిసి పనిచేస్తున్నారని, దేశ భద్రతను మరింత బలోపేతం చేసేందుకు కృషిచేస్తున్నారని కొనియాడారు.

Read latest Politics News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని