AP News: పీఆర్సీ జీవోను వెంటనే రద్దు చేయాలి: సోము వీర్రాజు

కర్నూలు: పీఆర్సీ జీవోను వెంటనే రద్దు చేసి, ఉద్యోగులను మళ్లీ చర్చలకు పిలిచి సమస్యలు పరిష్కరించాలని భాజపా రాష్ట్ర అధ్యక్షుడు సోము వీర్రాజు డిమాండ్‌ చేశారు. గురువారం  కర్నూలులో ఆయన మీడియాతో మాట్లాడుతూ....‘‘ఉద్యోగులు లేకుండా ప్రభుత్వం పనిచేయలేదు. రాష్ట్రంలో ఇంటి అద్దె పెరిగిపోయి, హెచ్‌ఆర్‌ఏ తగ్గించడంతో ఉద్యోగులు ఇబ్బందులు పడుతున్నారు. ఉద్యోగుల పట్ల రాష్ట్ర ప్రభుత్వం ఫ్రెండ్లీ గవర్నమెంట్‌గా కాకుండా ఎనిమి గవర్నమెంట్‌గా వ్యవహరిస్తోంది. రాష్ట్రంలో ఏ ప్రభుత్వం ఇలాంటి నిర్ణయాలు చేయలేదు. ఉద్యోగుల పక్షాన భాజపా అండగా ఉంటుంది’’ అని సోము వీర్రాజు తెలిపారు.