Revanth Reddy: కోకాపేట్‌ భూములపై సీబీఐకి రేవంత్ ఫిర్యాదు 

దిల్లీ: తెలంగాణలో కోకాపేట్‌, ఖానామెట్‌ భూముల అమ్మకాలపై టీపీసీసీ అధ్యక్షుడు రేవంత్‌రెడ్డి సీబీఐ డైరెక్టర్‌కు ఫిర్యాదు చేశారు. ప్రభుత్వ భూములను అనుకూలమైన వారికి కట్టబెట్టారని ఆరోపించారు. దీంతో రాష్ట్ర ఖజానాకు రూ.వెయ్యి నుంచి 1,500 కోట్ల నష్టం జరిగిందని ఫిర్యాదులో రేవంత్‌ పేర్కొన్నారు. ఈ భూముల అమ్మకంపై విచారణ జరపించాలని ఆయన సీబీఐ డైరెక్టర్‌ను కోరారు. అనంతరం రేవంత్‌ మీడియాతో మాట్లాడారు. రాజకీయాలను తెరాస కలుషితం చేసి ఎన్నికల ప్రక్రియను దుర్వినియోగం చేస్తోందని విమర్శించారు. కోకాపేట్‌, ఖానామెట్‌ భూముల్లో గోల్‌మాల్‌ జరిగిందని ఆరోపించారు.