Published : 22 Jan 2022 01:32 IST

Assembly polls: కాంగ్రెస్​లో చేరిన భాజపా బహిష్కృత నేత హరక్​ సింగ్

దెహ్రాదూన్​: అసెంబ్లీ ఎన్నికలు సమీపిస్తున్న నేపథ్యంలో రాజకీయాలు రసవత్తరంగా మారుతున్నాయి. టికెట్‌ దక్కకపోవడంతో అసంతృప్తికి గురైన నేతలు ఇతర పార్టీల్లో చేరిపోతున్నారు. భాజపా బహిష్కృత నేత, ఉత్తరాఖండ్​ మాజీ మంత్రి హరక్​ సింగ్​ రావత్​ తాజాగా కాంగ్రెస్​ తీర్థం పుచ్చుకున్నారు. దెహ్రాదూన్​లోని పార్టీ ప్రధాన కార్యాలయంలో జరిగిన కార్యక్రమంలో సీనియర్​ నేత, మాజీ ముఖ్యమంత్రి హరీశ్​ రావత్​.. కాంగ్రెస్​ కండువా కప్పి పార్టీలోకి ఆహ్వానించారు. కొద్ది వారాల్లో అసెంబ్లీ ఎన్నికల వేళ.. అమిత్‌షాకు సన్నిహితుడైన హరక్‌ సింగ్‌ కాంగ్రెస్​లో చేరడం ప్రాధాన్యం సంతరించుకుంది.

కాంగ్రెస్‌లో చేరిన సందర్భంగా హరక్‌ సింగ్‌ మాట్లాడుతూ భాజపాపై విమర్శలు గుప్పించారు. ‘నా అవసరం తీరాక భాజపా నన్ను వదిలేసింది. అది నన్ను తీవ్రంగా బాధించింది. నేను ఏ తప్పూ చేయలేదు. అమిత్‌ షాతో చివరి వరకు స్నేహాన్ని కొనసాగించా’ అని పేర్కొన్నారు. మార్చి 10న కాంగ్రెస్ భారీ మెజారిటీతో విజయం సాధిస్తుందని ధీమా వ్యక్తం చేశారు.

ఇటీవలే రాష్ట్ర కేబినెట్​ నుంచి హరక్​ సింగ్​ రావత్​ను తొలగించిన భాజపా.. పార్టీ ప్రాథమిక సభ్యత్వాన్ని ఆరేళ్ల పాటు రద్దు చేసింది. రావత్ మంత్రి పదవి తొలగింపుపై ఆ రాష్ట్ర ముఖ్యమంత్రి పుష్కర్​ సింగ్​ ధామీ గవర్నర్​కు లేఖ రాశారు. అయితే ఈ ఎన్నికల్లో తన బంధువులకు టికెట్లు ఇవ్వాలని పార్టీ నాయకత్వంపై హరక్‌ ఒత్తిడి తెచ్చారని.. అందుకే ఆయన్ను భాజపా బహిష్కరించినట్లు సమాచారం. ఇదిలా ఉంటే.. హరక్‌ కోడలు అనుకృతి గుసైన్​ రావత్​కు లాన్స్​​డౌన్​ నియోజకవర్గం నుంచి కాంగ్రెస్​ టికెట్​ ఇచ్చినట్లు తెలుస్తోంది.

Read latest Politics News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని