ప్రపంచంలోనే అతి సన్నటి నది

పొలాల్లో నీటిని మళ్లించేందుకు నిర్మించిన మార్గంలా ఉంది కదూ.. కానీ అది ప్రపంచంలోనే అతి సన్నటి నది. దాని పేరు హులాయి. చైనాలోని మంగోలియాలో ఉందీ నది. దీని వెడల్పు కొన్ని సెంటీమీటర్లే. కొన్ని ప్రాంతాల్లో ఈ నదిపై నుంచి ఒకే ఉదుటన దాటొచ్చు కూడా. హులాయి నది పొడవు 17 కిలోమీటర్లు. సగటు వెడల్పు మాత్రం 15 సెంటీమీటర్లే. కొన్ని చోట్ల అయితే ఇంతకన్నా తక్కువగానే ఉంటుంది. చైనా నిపుణులు చెబుతున్న ప్రకారం.. ఈ నది గత 10 వేల ఏళ్లుగా ప్రవహిస్తూనే ఉంది. భూగర్భ నీటి బుడగ నుంచి ఈ నది ప్రవాహం ప్రారంభమై.. హెగ్జిగ్టెన్‌ గ్రాస్‌లాండ్‌లోని దలాయ్‌ నూర్‌ సరస్సులో కలుస్తుంది.