Updated : 17/08/2020 18:31 IST

‘పంత్‌, రాహుల్‌ బాగా నిద్రపోయి ఉంటారు’

ధోనీ రిటైర్మెంట్‌ తర్వాత డీన్‌జోన్స్‌ ట్వీట్‌

ఇంటర్నెట్‌డెస్క్‌: భారత స్వాతంత్ర్య దినోత్సవం సందర్భంగా మాజీ సారథి, కెప్టెన్‌ కూల్‌ మహేంద్రసింగ్‌ ధోనీ రిటైర్మెంట్‌ ప్రకటించిన నేపథ్యంలో ఆస్ట్రేలియా మాజీ క్రికెటర్‌ డీన్‌జోన్స్‌ హాస్యాస్పదంగా స్పందించాడు. తాజాగా అతడు ఓ ట్వీట్‌ చేస్తూ టీమ్‌ఇండియా బ్యాట్స్‌మెన్‌ కేఎల్‌ రాహుల్‌, రిషభ్‌ పంత్ ఆ రాత్రి బాగా నిద్రపోయి ఉంటారని పేర్కొన్నాడు. సుదీర్ఘకాలం భారత జట్టుకు మిడిల్‌ఆర్డర్‌ బ్యాట్స్‌మన్‌గానే కాకుండా అత్యుత్తమ వికెట్‌ కీపర్‌గానూ ధోనీ సేవలందించిన సంగతి తెలిసిందే. ఈ నేపథ్యంలో కొంత కాలంగా అతడి తర్వాత కీపింగ్‌ బాధ్యతలను ఎవరు చేపడతారనే విషయంపై చర్చలు జరిగాయి. అయితే, ఆ సమయంలో యువ కీపర్‌ రిషభ్‌పంత్‌ వైపే అందరూ ఆశలు పెట్టుకున్నారు. కానీ, గతేడాది వన్డే ప్రపంచకప్‌ తర్వాత ధోనీ ఆటకు దూరమవ్వడంతో ఆ సమయంలో కీపింగ్‌ చేసిన పంత్‌ విఫలమయ్యాడు. 

ఇదే క్రమంలో ఈ ఏడాది న్యూజిలాండ్‌ పర్యటన సందర్భంగా టీమ్‌ఇండియా పరిమిత ఓవర్ల క్రికెట్‌లో కేఎల్‌ రాహుల్‌ను పరీక్షించింది. అతడు కీపర్‌గా మంచి ప్రదర్శన చేసి అందరి ప్రశంసలూ అందుకున్నాడు. దీంతో రాహుల్‌ కీపర్‌గా, బ్యాట్స్‌మన్‌గా పనికొస్తాడని అందరూ భావిస్తున్నారు. ఒకవేళ నిజంగానే జట్టు యాజమాన్యం రాహుల్‌ను కొంత కాలం అలా కొనసాగిస్తే పంత్‌కు ఇబ్బంది కరమే. అలా కాకుండా రాహుల్‌ను బ్యాట్స్‌మన్‌గా కొనసాగించి, మళ్లీ పంత్‌నే కొనసాగిస్తే ఎలాంటి ఇబ్బందీ ఉండదు. కానీ అతడు మంచి ప్రదర్శన చేయాల్సి ఉంది. ఈ నేపథ్యంలోనే ధోనీ వదిలేసిన స్థానం కోసం వారిద్దరూ పోటీపడుతున్నట్లు జోన్స్‌ అభిప్రాయపడ్డాడు. 

Read latest Sports News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని