నేటి నుంచి జాతీయ అమెచ్యూర్‌ గోల్ఫ్‌

మాదాపూర్‌, న్యూస్‌టుడే: జాతీయ అమెచ్యూర్‌ గోల్ఫ్‌ లీగ్‌ (ఎన్‌ఏజీఎల్‌) మంగళవారం హైదరాబాద్‌లో ప్రారంభం కానుంది. గచ్చిబౌలి బౌల్డర్‌ హిల్స్‌ గోల్ఫ్‌ కోర్స్‌ ఈ లీగ్‌కు వేదిక. టీ గోల్ఫ్‌ ఫౌండేషన్‌ ఆధ్వర్యంలో అయిదు రోజుల పాటు జరగనున్న ఈ పోటీలకు వివిధ నగరాల నుంచి 96 మంది క్రీడాకారులు   హాజరుకానున్నారు. సోమవారం బ్యాడ్మింటన్‌ స్టార్‌ పీవీ సింధు పోటీల లోగోను ఆవిష్కరించింది. తాను కూడా పలుమార్లు గోల్ఫ్‌ ఆడినట్లు.. ఒకసారి గోల్ఫ్‌ ఆడిన వారు దాని మీద ఆసక్తిని అంత తొందరగా వదులుకోలేరని సింధు ఈ సందర్భంగా పేర్కొంది.