Chess: గ్రాండ్‌మాస్టర్‌గా సంకల్ప్‌ గుప్తా

చెన్నై: దేశ చదరంగంలో మరో గ్రాండ్‌మాస్టర్‌ (జీఎం) అవతరించాడు. మహారాష్ట్రలోని నాగ్‌పూర్‌కు చెందిన 18 ఏళ్ల సంకల్ప్‌ గుప్తా భారత 71వ గ్రాండ్‌మాస్టర్‌గా నిలిచాడు.  సెర్బియాలో జరిగిన జీఎం ఆస్క్‌ 3 రౌండ్‌ రాబిన్‌ చెస్‌ టోర్నీలో 6.5 పాయింట్లతో రెండో స్థానంలో నిలిచిన అతను.. మూడో జీఎం నార్మ్‌ ఖాతాలో వేసుకున్నాడు. మూడు జీఎం నార్మ్‌లతో పాటు అతని ఖాతాలో 2500 ఎలో రేటింగ్‌ పాయింట్లు ఉండడంతో జీఎం హోదా సాధించాడు. ఈ టోర్నీలో అయిదు గేమ్‌లు గెలిచిన అతను.. మరో మూడు డ్రా చేసుకుని, ఒక దాంట్లో ఓటమిపాలయ్యాడు. మార్కరియాన్‌ (రష్యా) కూడా 6.5 పాయింట్లే సాధించినప్పటికీ మెరుగైన టై బ్రేక్‌ స్కోరు కారణంగా టైటిల్‌ అందుకున్నాడు. వరుసగా మూడు టోర్నీలు ఆడిన సంకల్ప్‌  కేవలం 24 రోజుల వ్యవధిలోనే మూడు   జీఎం నార్మ్‌లు దక్కించుకోవడం విశేషం.