Published : 04/12/2020 01:27 IST

గురువుపై సచిన్‌ ఎమోషనల్‌ ట్వీట్‌

ఇంటర్నెట్‌ డెస్క్‌ : భారత క్రికెట్‌ దిగ్గజం సచిన్‌ తెందూల్కర్‌ తన క్రికెట్‌ గురువు రమాకాంత్‌ అచ్రేకర్‌ను తరచూ గుర్తు చేసుకుంటూ ఉంటారు. అచ్రేకర్‌ జయంతి సందర్భంగా సచిన్‌ గురువారం మరోసారి ఆయనను స్మరించుకుంటూ ఎమోషనల్‌ ట్వీట్‌ చేశారు. 

‘నా మనసుకు అత్యంత సన్నిహితుడైన వ్యక్తి గురించి ఆలోచిస్తున్నా. నాతో సహా, ఎంతోమంది యువ క్రికెటర్లు తమలో ఉన్న శక్తిసామర్థ్యాలను ఆటకు ఉన్న శక్తి ద్వారా గుర్తించడానికి ఆయన సాయపడ్డారు. దీనంతటికీ ధన్యవాదాలు, అచ్రేకర్‌ సర్‌’ అని సచిన్‌ ట్వీట్‌ చేశారు. దీనికి తన చిన్నతనంలో గురువు అచ్రేకర్‌ సారథ్యంలో క్రికెట్‌ ప్రాక్టీస్‌ చేస్తున్న ఫొటోను సచిన్‌ జతచేశారు. 

ఈ ఏడాది జనవరిలోనూ అచ్రేకర్‌ వర్ధంతి సందర్భంగా సచిన్‌ ట్వీట్‌ చేశారు. తన క్రికెట్‌ కెరీర్‌ ఆరంభంలో ఆటకు సంబంధించి ఏబీసీడీలు ఆయన వద్దే నేర్చుకున్నట్లు తెలిపారు. తన క్రికెట్‌ జీవితంలో ఆయన భాగస్వామ్యాన్ని మాటల్లో చెప్పలేనిదిగా సచిన్‌ వర్ణించారు. అచ్రేకర్‌ నిర్మించిన పునాదులపైనే తాను నిలబడినట్లు తెందూల్కర్‌ పేర్కొన్నారు.  గతేడాది జనవరి 2న అనారోగ్య సమస్యలతో అచ్రేకర్‌(87) కన్నుమూసిన విషయం తెలిసిందే. 

 


Read latest Sports News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని