Updated : 29/11/2021 14:02 IST

Shane Warne: రోడ్డు ప్రమాదంలో షేన్‌వార్న్‌కు గాయాలు..!

ఇంటర్నెట్‌డెస్క్‌: ఆస్ట్రేలియా మాజీ క్రికెటర్‌  షేన్‌వార్న్‌ రోడ్డు ప్రమాదంలో గాయపడ్డాడు. ఈ ఘటన ఆదివారం చోటు చేసుకుంది.  సోమవారం ఆయన్ను ఆసుపత్రికి తరలించారు. ఆయన పాదానికి తీవ్ర గాయమైనట్లు సమాచారం. వార్న్‌ , ఆయన కుమారుడు జాక్సన్‌ కలిసి దాదాపు 300 కిలోల బరువున్న బైకుపై మెల్‌బోర్న్‌లో ప్రయాణిస్తుండగా ఈ ఘటన చోటు చేసుకొంది. తొలుత ఎటువంటి గాయం కాలేదని భావించిన వార్న్‌ ఆసుపత్రికి వెళ్లలేదు. కానీ, సోమవారం ఉదయం నిద్రలేచే సమయానికి  గాయం తీవ్రమై భరించలేని నొప్పి రావడంతో ఆసుపత్రికి వెళ్లాడు. ‘‘నాకు గాయమైంది.. నొప్పి తీవ్రంగా ఉంది’’ అని ఆస్ట్రేలియన్‌ మీడియా వద్ద వార్న్‌ పేర్కొన్నారు.

డిసెంబర్‌ 8 నుంచి బ్రిస్బేన్‌లో మొదలయ్యే యాషెస్‌ సిరీస్‌లో వార్న్‌ కామెంటరీ చెప్పాల్సి ఉంది. అప్పటికల్లా కోలుకోవచ్చని భావిస్తున్నారు.  తాజాగా ఒమిక్రాన్‌ వేరియంట్‌ బయటపడటంతో  క్రికెట్‌ ఆస్ట్రేలియా, వేల్స్‌ క్రికెట్‌ బోర్డులు యాషెస్‌ నిర్వహణపై ఇప్పటికే చర్చలు మొదలుపెట్టాయి. ‘‘మేము ఇప్పుడే ఆస్ట్రేలియాతో చర్చలు మొదలుపెట్టాం. సరిహద్దు మూసివేత నిర్ణయాలు ఉండవచ్చు. మా కుటుంబాలు ప్రయాణించేందుకు మాత్రం అనుమతించవచ్చు. ఆ నిర్ణయాలు మాపై ప్రభావం చూపవని భావిస్తున్నాం. కానీ, మొత్తం జాతీయ, స్థానిక ప్రభుత్వాల చేతుల్లోనే ఉంది’’ అని ఇంగ్లాండ్‌ క్రికెట్‌ బోర్డు డైరెక్టర్‌ యాష్‌లీ గిలెస్‌ పేర్కొన్నారు.

Read latest Sports News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని